اہم خبریں

سکردو میں غیر رجسٹرڈ اور ٹیکس نادہندہ گاڑیوں کے خلاف ایکسائز اینڈ ٹیکسیشن کی جانب سے کریک ڈوان شروع۔ متعدد سرکاری گاڑیاں بھی پکڑلیئےگئے۔

سکردو (پ ر) محکمہ ایکسائز اینڈ ٹیکسیشن سکردو نے غیر رجسٹرڈ اور ٹیکس نادہندہ سرکاری وغیر سرکاری گاڑیوں کے خلاف روزانہ کی بنیاد پر آپریشن شروع کردیا۔ایکسائز کے اہلکاروں نے شہر کی مختلف جگہوں پر ناکے لگا کردو درجن کے قریب سرکاری اور گاڑیوں کو بند کر دیا۔جن سرکاری محکموں کی گاڑیوں کوبند کیا گیا ان میں ایم ایس ڈی ایچ کیو ہسپتال سکردو،ہیلتھ آفس،محکمہ جنگلات،محکمہ زراعت اور میونسپل کمیٹی سکردو کی گاڑیاں شامل ہیں اس موقع پر ایکسائز اینڈ ٹیکسیشن آفیسر ناصر علی نے بتایا کہ تمام سرکاری محکموں کو بارہا تمام گاڑیوں کی رجسٹریشن اور ٹوکن ٹیکس کی بروقت ادائیگی کے حوالے سے خطوط لکھ چکے ہیں اور زیادہ تر سرکاری محکموں کی طرف سے کوئی رابطہ نہیں کیا گیا۔انہوں نے مزید بتایاکہ سیکرٹری ایکسائز اینڈ ٹیکسیشن کی ہدایات کے مطابق غیر رجسٹرڈ اور ٹیکس نادہندہ سرکاری گاڑیوں کے خلاف کاروائی جاری رہے گی۔