اہم خبریں

حکومت جلد از جلد متاثرین دیامر بھاشا ڈیم کے ساتھ کئے گئے وعدوں کو عملی جامہ پہنائیں۔ آغا راحت الحسینی

گلگت (تحریر نیوز نیٹ ورک) مرکزی امامیہ جامع مسجد کے خطیب اور قائد ملت جعفریہ گلگت بلتستان آغا راحت حسین الحسینی نے خطہ جمعہ میں دیامر بھاشا ڈیم اور اہلیان دیامر سے ساتھ ہمدردی کا اعلان کردیا۔ آغا راحت حسین الحسینی نے وفاقی حکومت سے مطالبہ کیا ہے کہ دیامر ڈیم متاثرین کے ساتھ کئے گئے تمام معاہدوں پر پر عملدرآمد یقینی بنائیں۔ اور متاثرین جو اس وقت شدید مسائل کے شکار ہیں لہذا اُن کے مسائل کی حل کیلئے واپڈا میں ذمہ دار اور فرض شناس افسران کی تعینات کریں تاکہ ڈیم کی وجہ سے متاثر ہونے والے غریب عوام کے مسائل کا ازالہ ہوسکے۔
اُنہوں مزید کہنا کہ گلگت بلتستان کے اہل تشیع عوام اپنے اہلسُنت بھائیوں کے شانہ بشانہ کھڑے ہیں اور کسی بھی صور ت میں اہلیان دیامر کے کسی بھی قسم کی حق تلفی نہیں ہونے دیا جائے گا ۔اُنہوں نے زور دیتے ہوئے کہا کہ اس وقت گلگت بلتستان میں اپنے حقوق کیلئے ایک راہ ہموار ہوا لیکن ایسا لگتا ہے کہ کچھ عناصر کو یہ پسند نہیں یہی وجہ ہے کہ بلاواسطہ یا بلاوسطہ گلگت بلتستان میں فرقہ واریت کو ہو ا دینے کی کوشش کی جارہی ہے جسے ہم مسترد کرتے ہیں۔