محکمہ آڈیٹرجنرل گلگت بلتستان میں ڈپٹی ڈایکٹر راج، ادارہ مقامی آفیسران کیلئے شجر ممنوعہ بن گیا ۔

گلگت( نامہ نگار خصوصی) باخبر ذرائع کے مطابق محکمہ آڈیٹر جنرل گلگت بلتستان غیر مقامی آفیسران کی چراہ گاہ بن اورمقامی ڈومیسائل ہولڈرز کیلئے نوگو ایریا بن گیا ہے۔ ذرائع کے مطابق اعزاز علی نامی ڈپٹی ڈائریکٹر محکمہ آڈٹ میں گلگت بلتستان کے ڈومیسائل ہولڈر کو برداشت کرنے کیلئے تیار نہیں ، موصوف اس سے پہلے وفاق سے آنے والے گلگت بلتستان کے آفیسران کو بھگانے کے حوالے شہرت رکھتے ہیں۔
آج اس کا اپنا تین سالہ دور پورا ہوا ہے مگر کونسل کی طرف سے فارغ ہونے کے باوجود وہ واپس جانے کئلئے تیار نہیں ہے، ان کا دعوی ہے کہ ان کے ہوتے ہوئے کوئی مائی کا لعل گلگت بلتستان کے ڈومیسائل ہولڈرز کو محکمہ آڈٹ میں پوسٹ نہیں کر سکتا۔
یہ ادارہ جو کہ ٓازاد کشمیر کے طرز پر قائم ہوا تھا ابتداء میں آفس قائم کرنے کے لیے ملک بھر سے گلگت بلتستان کے ملازمین کو اپنے سیٹلڈ جگہوں سے زبردستی گلگت پوسٹ کیا گیا اور ساتھ یہ وعدے بھی کیے گیے کہ ان کو مستقلا گلگت میں رکھا جائے گا۔آفسقائم ہونے کے بعد فصلی بٹیر مراعات کے چکر میں گلگت آنا شروع ہوگیے اور ایک ایک کر کے مقامی آفیسران کو واپس کردیا۔ ایک ڈپٹی ڈایکٹر صاحب(اعزاز علی) یہ دعویٰ بھی کرتے ہیں کہ ان کے ہوتے ہوے کوئیمایی کا لال گلگت بلتستان والے کو اس افس میں نہیں لا سکتا۔
یاد رہے یہ ادارہ آذاد کشمیر کے طرز پر بنا تھا جس کا انتظام جی بی کونسل کے پاس ہے ۔ اور آ ٓذاد کشمیر آڈٹ آفس میں کوئی غیر مقامی تعینات ہی نہیں جبکہ گلگت بلتستان میں یہاں کے لوگوں کو نا پسندیدہ قرار دیا جاتا ہے ۔ وزیر اعلیٰ کو چاہئے کہ اس اہم مسلے کی طرف توجہ دیں اور گلگت بلتستان کے سرکاری اداروں میں مسلط غیرمقامی افسران پر مقامی افراد کی بھرتیوں کو خصوصی فوقیت دیں ۔