عوامی ایکشن کمیٹی بلتستان کے دو متحرک رہنما اور سوشل ایکٹوسٹ سکردو میں گرفتار۔

سکردو( قاسم قاسمی) سکردو عوامی ایکشن کمیٹی کے رہنما شبیر مایار اور آصف ناجی سکردو میں گرفتارعوامی ایکشن کمیٹی کے ان رہنماوں کے گرفتاری کے خلاف بی ایس ایف ، بی وائی ایف ، بی وائی اے ، اور عوامی ایکشن کمیٹی کی جانب سے احتجاجی ریلی سٹی تھانہ سکردو سے یادگار شہداء تک لایا گیا یاد گار شہداء پر احتجاجی مظاہرہ کیا گیا جس میں مقریرین نے شبیر مایار اور آصف ناجی کے گرفتاری کی سخت مذمت کیا اور کہا گلگت بلتستان کے صوبائی گورنمنٹ بوگھلاہٹ کا شکار ہو چکا ہے گلگت بلتستان کے حقوق مانگنے والوں کو بلاجواز گرفتار کر کے انکے حقوق غصب کرنا چاہتے ہیں انکا مزید کہنا تھا اس سے پہلے بھی گلگت بلتستان کے حقوق مانگنے والوں کو پابندِ سلاسل کیا جا چکا ہے مگر اب وقت بدل چکا ہے اب اس قوم کو دڑا دھمکا کر حقوق مانگنے سے کوئی نہیں روک سکتایاد رہے عوامی ایکشن کمیٹی کے رہنما شبیر مایار اور ایڈوکیٹ آصف ناجی کو اس سے پہلے شیڈول فور میں ڈالا ہوا تھا۔

ذرائع کا کہنا ہے کہ انکی گرفتاری کے پیچھے چیف سیکرٹری کے خلاف احتجاج کا معاملہ ہے اور یہ بھی ممکن ہے ان دونوں کی گرفتاری کے بعد شہزاد آغا کو بھی بہت جلد گرفتار کرنے کی کوشش کی جائے گی۔ اُنکی گرفتاری کے بعد گلگت بلتستان میں سوشل میڈیا پر طوفان برپا ہوگیا ہے سوشل میڈیا استعمال کرنے والے لوگ شکوہ کررہے ہیں کہ کہیں دہشتگر دآذاد فضاوں میں گھوم رہے تو کہیں بنیادی حقوق کیلئے جدوجہد کرنے والوں کو فورتھ شیڈول میں ڈال کر اس طرح ہراساں کیا جاتا ہے۔