اہم خبریں

اسسٹنٹ کمشنردینورسرکار ی ملازم ہے کسی وزیر مشیر کا نہیں،تبدیل کیا تو احتجاج کروں گا۔ رہنما تحریک انصاف

گلگت(تحریرنیوز)مرکزی رہنما پاکستان تحریک انصاف گلگت بلتستان ونمبردار کریم اللہ نے کیاہے کہ اسسٹنٹ کمشنر دنیور موسی علی بخاری سرکار کا ملازمہے وہ کسی وزیر مشیر کا نہیں تحصیل دنیور میں ان کی تعیناتی کے بعد جس طرح عوامی مسائل کے حل پر سنجیدگی سے توجہ دی جارہی ھے اس کی ماضی میں مثال نہیں ملتی۔وزیر تعمیرات ڈاکٹر اقبال کی جانب سے ایک ایماندار اور فرض شناس آفیسر کے خلاف قانون ساز اسمبلی سے واک آوٹ پست ذہنیت کا مظہر ہے عوامی نمائندوں کی جانب سے اپنے ذاتی مفادات کے لئے استعمال کرنے کی خواہش سے انکار پر آفیسر ان کے خلاف محاذ کھڑا کرنا خلاف قانون اور گلگت بلتستان روایات کی نفی ھے کریم اللہ نے اپنے بیان میں مزید کہا ہے کہ موسی علی بخاری کی بطور اسسٹنٹ کمشنر دنیور تعیناتی کے بعد عوامی مسائل کے حل میں جو تیزی آئی ہے اس سے بعض مفاد پرست خوش نہیں عوام اسسٹنٹ کمشنر سمیت تحصیل عملے کی کارکردگی سے مطمئین ہیں اور ابھی تک کوئی شکایت سامنے نہیں آئی ہے۔ڈاکٹر اقبال کی طرف سے اسسٹنٹ کمشنر کے خلاف واویلا سمجھ سے بالاتر ہے انہوں نے چیف سکریٹری گلگت بلتستان سے مطالبہ کیا ہے کہ وہ صوبائی وزیر کے دباو میں آکر اسسٹنٹ کمشنر کے تبادلے سے گریز کرے اگر موسی علی بخاری کو تبدیل کرنے کی کوشش کی گئی تو عوام سڑکوں پر نکل آئینگے