اہم خبریں

ڈسٹر ک ہیڈکوارٹر ہسپتال سکردومیں سہولیات اور صفائی کا شدید فقدان،مریض پریشان انتظامیہ لاعلم۔

سکردو ( نامہ نگار خصوصی )ڈسٹرک ہیڈ کوارٹر ہسپتال سکردو میں سہولیات اور صفائی کے ناقص انتظامات کا کوئی پرسان حال نہیں۔ ہسپتال میں ڈاکٹروں کا وقت پر نہ آنا،سفارشی افراد کی جلدی تشخیص، عملے کے نخرے، ناقص انتظامات،ادویات کا میسر نہ ہونا معمول بن گیا ہے۔ دوسری طرف صفائی کا نظام ہے دیکھ کر ایسا لگتا ہے کہ ہسپتال نہیں کوئی کچرہ خانہ ہے۔ ہسپتال کے مختلف وارڈ میں صفائی کا ناقص انتظام اورفیمیل میڈیکل وارڈ کے عین سامنے کچرے کے ڈھیراور سرجیکل وارڈ کے اندر کی حالت،حماموں کی ناقص صفائی ڈسٹرک ہیلتھ آفیسر کی ناقص کارکردگی کا منہ بولتا ثبوت پیش کررہا ہے لیکن کوئی پوچھنے والا نہیں۔
ڈسٹرک ہیڈکوارٹر ہسپتال سکردو بلتستان کا واحد سرکاری ہسپتال ہے جہاں بلتستان سے مریض علاج کی غرض سے آتے ہیں لیکن اس ہسپتال میں ڈیوٹی پر تعین ڈاکٹر حضرات مریضوں کو سرکاری ہسپتال میں علاج کرنے کے بجائے ذاتی کلینک پر ریفر کرتے ہیں جہاں مریضوں کا کھال اُتارا جاتا ہے۔ محکمہ صحت کو چاہئے کہ سکردو ڈسٹرک ہسپتال میں ڈیوٹی دینے والے ڈاکٹروں کی من منانی کا نوٹس لیں اور مریضوں کو سہولیات کی فراہمی اور اداویات کے حصول کو یقینی بنائیں۔