اہم خبریں

فورس کمانڈر ناردرن ایریا ز میجرجنرل ثاقب محمود ملک اور آئی جی گلگت بلتستان ثنا اللہ عباسی کا دورہ چلاس۔آپریشن سے متعلق تفصیلی بریفنگ۔

گلگت(پریس ریلیز)فورس کمانڈر ناردرن ایریا ز میجرجنرل ثاقب محمود ملک نے آئی جی گلگت بلتستان ثنا اللہ عباسی کیساتھ آج ڈسٹرکٹ چلاس کا دورہ کیا۔ کمانڈر کو داریل /تانگیرمیں شر پسندوں کے خلاف ہونے والے آپریشن کے متعلق قانون نافذ کرنے والے اداروں نے بریفینگ دی۔ کمانڈرنے آپریشن کی کامیابی پر اطمینان کا اظہار کیا اور کہا کہ آپریشن درست سمت جا رہا ہے اور حالات مکمل طور پر قابو میں ہیں اور جلد ہی شرپسندوں کو گرفتار کر لیا جائیگا۔ کمانڈر نے کہا کہ اِس مشکل گھڑی میں عوام انکے ساتھ ہیں اور ہمیں خوشی ہے کہ عوام شانہ بشانہ شرپسندوں کا مقابلہ کر رہی ہے جب محافظ اور عوام مل جائیں تو پھر کوئی بھی شرپسند طاقت دوبارہ سر اٹھانے کی جرات نہیںکر سکتی۔ کمانڈر نے شہید عارف حسین کے لئے دعا ئے مغفرت کی اور کہا کہ شہید ایک بہادر سپاہی تھا اور بہادری سے لڑتے ہوئے جامِ شہادت نوش کر کے قوم کا سر فخر سے بلند کر دیا۔