سکردو (قاسم قاسمی )پاکستان پیپلزپارٹی ضلع سکردو کے صدر غلام شہزاد آغا نے کہا ہے کہ گلگت سکردو روڈ بلتستان کے عوامکی موت اور زندگی کا مسئلہ ہے جسکی تعمیر غیر معیاری اور ناقص مٹیریل کی وجہ سے موت کا کنواں بنتا جا رہا ہے۔FWO اپنے زیلی ٹھیکیداروں کے زریعے سیمنٹ کی بلیک مارکیٹنگ میں مصروف ہے۔انھوں نے انکشاف کیا ہے کہ سکردو کے مختلف جگہوں پر ایف ڈبلیو او اور انکے ٹھیکیداروں کے سیمنٹ گودام بنا ہوا ہے جس سے وہ روزانہ کی بنیاد پر یہاں کے سادہ لوح عوام کو سستے داموں سیمنٹ بلیک کرتے ہیں۔ طرز تعمیر کا یہی سلسلہ رہا تو بلتستان کے غریب عوام کے مستقبل خطرے میں پڑ جائے گا۔شپزاد آغا نے مزید کہا ہے کہ پیپلز پارٹی کے دور میں گلگت سکردو روڈ کے ڈیزائن کچھ اور تھے۔ایف ڈبلیو او اور صوبائی حکومت کی ملی بھگت سے اصل ڈیزائن کو مسخ کرکے روڈ کی صرف توسیع کی جا رہی ہے جو کہ اس قوم کے ساتھ کھلی مزاق ہے۔صوبائی حکومت اور ایف ڈبلیو او کے حکام نے عوام سے وعدہ کیا تھاکہ گلگت سکردو روڈ کے تقریباً سات جگہوں پر ٹنل اور ہر موڑ کو سیدھا کیا جائے گا لیکن موقع پر عملی طور پر ایسا ہرگز نہیں ہو رہا ہے۔انھوں نے مزید کہا ہے کہ گلگت سکردو روڈ کی توسیعی منصوبے کی وجہ سے روندو کے غریب عوام کے ہزاروں ایکڑز زمینیں اور ہزاروں کی تعداد میں درختگان ضائع ہو گئی ہے۔نہ ان کا معاوضہ دیا گیا ہے اور نہ ہی ان کے لئے کوئی متبادل نظام متعارف کیا گیا ہے جو کہ متاثرین کے ساتھ زیادتی ہے۔ہم گلگت سکردو روڈ کے تعمیراتی کام کے سلسلے میں کوئی سُستی یا نا اہلی برداشت نہیں کریں گے۔کیونکہ یہ بلتستان کے غریب عوام کے مستقبل کا مسئلہ ہے۔لہٰذا روڈ کی حساسیت کو مد نظر رکھتے ہوئے عوام کے تمام تر خدشات و تحفظات کو فوری طورپر دور کیا جائے ورنہ پیپلز پارٹی عوامی طاقت کے زریعے احتجاجی سلسلہ شروع کریں گے.
Gilgit-Baltistan’s first online premier news network
GilgitBaltistan
More Stories
1971 کی جنگ نے خطہ لداخ کی محبت سے کی ہوئی شادی شدہ جوڑے کو کس طرح جدا کردیا درد ناک کہانی
خطہ بلتستان لداخ بارڈر پر پاک بھارت کے فوجی ایک دوسرے سے سگریٹ ڈرائی فروٹ کا تبادلہ کرتے ہیں مگر بچھڑے ہوئے خاُندانوں کو ملنے کیلئے لداخ سکردو روڈ آخر کیوں نہیں کھول رہا؟
عوامی ایکشن کمیٹی دو گروپوں میں تقسیم کے بعد ایک گروپ نے غذر روڑ بند کرنے کا اعلان کردیا اور غذر کے عوام کا بڑا بیان سامنے اگیا