سپریم کورٹ نے خواجہ آصف کی نااہلی سے متعلق اسلام آباد ہائیکورٹ کا فیصلہ کالعدم قرار دے دیا، تاحیات نااہلی ختم ۔

اسلام آباد ( ویب ڈیسک )سپریم کورٹ نے سابق وزیر خارجہ خواجہ آصف کی نااہلی سے متعلق اسلام آباد ہائیکورٹ کا فیصلہ کالعدم قرار دیتے ہوئے ان کی تاحیات نااہلی ختم کر دی اور انہیں الیکشن میں حصہ لینے کی بھی اجازت دے دیجسٹس عمر عطا بندیال کی سربراہی میں 3 رکنی خصوصی بینچ نے سماعت کی جس میں جسٹس فیصل عرب اور جسٹس سجاد علی شاہ بھی شامل ہیں۔ جسٹس عمر بندیال نے مختصر فیصلہ سنایا۔خواجہ آصف نے اسلام آباد ہائیکورٹ کی جانب سے اقامہ کی بنیاد پر نااہل قرار دینے کے فیصلے کو کالعدم قرار دینے کی استدعا کر رکھی تھی۔جسٹس عمر عطا بندیال کی سربراہی میں 3 رکنی خصوصی بینچ نظرثانی اپیل کی سماعت کر رہا ہے جس میں جسٹس فیصل عرب اور جسٹس سجاد علی شاہ بھی شامل ہیں۔ خواجہ آصف نے اسلام آباد ہائیکورٹ کی جانب سے اقامہ کی بنیاد پر نااہل قرار دینے کے فیصلے کو کالعدم قرار دینے کی استدعا کر رکھی ہے۔ تحریک انصاف کے رہنما عثمان ڈار کے وکیل سکندر بشیر مہمند نے دلائل دیتے ہوئے کہا کہ خواجہ آصف کی مدت بطور کابینہ ممبر کا ریکارڈ جمع کروایا ہے اور ان کا حلف بطور وزیر دیکھ لیا جائے۔ وکیل نے کہا کہ حلف یہ اٹھایا کہ وہ ذاتی مفاد کو خاطر میں نہیں لائیں گے لیکن وہ وزیر ہوتے ہوئے بیرون ملک ملازم بھی رہے ۔علاوہ ازیںسپریم کورٹ کی جانب سے نااہلی کا فیصلہ کالعدم قراد دیئے جانے کے بعد خواجہ آصف کا اپنے ٹوئٹر پیغام میں کہنا تھا کہ رب العز ت کے احسان اورمہربانیوں کا شمار ہی نہیں ،اللہ نے مجھ عاجز اور گنا ہ گارپر اپنا رحم اورکرم کیا ہے،میں عدلیہ کا شکریہ ادا کرتا ہوں۔