اہم خبریں

محکمہ ورکس کا کارنامہ،ناقص میٹریل کے استعمال کیوجہ سے ہشوپی شگر بجلی گھر ہوا کے جھونکے سے زمین بوس ہوگیا۔

شگر(نامہ نگار خصوصی)ناقص میٹریل کا استعمال پن بجلی گھر ہشوپی کی چھت تیز ہوا برداشت نہ کرپاتے ہوئے اُڑ گیا۔ملازمین نے بھاگ کر جان بچائی۔تفصیلات کے مطابق گذشتہ دنوں آنے والی تیز ہوا کی زد میں آکر شگر ہشوپی میں واقع پن بجلی گھر فیز ٹو کی چھت اُڑ گیا۔تیز ہوا نے چھت پر لگے شیٹ کو کئی فٹ دور جاپھینکا۔تاہم خوش قسمتی سے کسی کو کائی جانی نقصان نہیں ہوا۔ چھٹ گرتے وقت بجلی گھر کے ملازمین کمروں کے اندر بیٹھے ہوئے تھے۔ جنہوں نے فوری طور بھاگ کر جان بچائی۔ مقامی لوگوں نے میڈیا کو بتایا ہے کہ چھت پر لگے شیٹ کی لکڑیوں پر کیل تک نہیں تھے۔ جس کی وجہ سے شیٹ ہوا کی دبائو برداشت نہ کرپایا۔ لوگوں نے حکام بالا اور شگر انتظامیہ سے تعمیرات میں ناقص میٹریل کے استعمال کا نوٹس لینے کا مطالبہ کیا ہے۔