اہم خبریں

شگر کے میگا پروجیکٹس کے ٹینڈر کی بار بار منسوخی ،عوام محکمہ تعمیرات عامہ کے خلاف سراپا احتجاج۔

شگر(نامہ نگار) شگر کے میگا پروجیکٹ کی ٹینڈر کی بار بار منسوخی محکمہ تعمیرات عامہ شگر کے نااہلی ہے۔بار بار منسوخی شگر کی عوام کیساتھ مذاق ہے محکمہ تعمیرات کے حکام اپنے من پسند ٹھیکیداروں کو نوازنے کیلئے ٹینڈر کو بار بار منسوخ کررہے ہیں۔شگر کی بہتری اور ترقی کیلئے ایکسین عبدالہادی کو شگر واپس لایا جائے۔شگر کی عوامی حلقوں نے میڈیا سے گفتگو کرتے ہوئے کہا ہے کہ شگر کے میگا پروجیٹ کی ٹینڈر کی بار بار منسوخی محکمہ تعمیرات عامہ شگر اور بلتستان ریجن کی نااہلی ہے۔ ان کی بار بار منسوخی سے عوام میں شدید اضطراب پایا جاتا ہے۔سکردو چھومک سے شگر سنٹر تک روڈ اور شگر کشمل تا پیو روڈ اور دیگر کئی اہم سکیموں کی ٹینڈر کئی بار التویٰ کا شکار ہوچکا ہے۔جبکہ گلگت بلتستان کے دیگر کسی اضلاع میں ایسا نہیں ہورہا۔ یہ صرف محکمہ تعمیرات عامہ شگر کی نالائقی اور نااہلی ہے۔لہذا فوری طور کسی فرض شناس اور قابل آفیسر کو بطور تعمیرات عامہ شگر کے سربراہ کے طور پر تعینات کیا جائے۔سابق ایکسین شگر عبدالہادی کی مختصر مدت میں شگر کیلئے قابل رشک خدمات انجام دئے اور شگر کی لوگوں کو ان پر اعتماد ہے لہذا انہیں فوری طور شگر واپس لایا جائے۔