سابق وزیر اعظم نواز شریف قومی احتساب بیوروپر پھٹ پڑے، انتقام لینے کا فیصلہ۔

اسلام آباد ( ویب ڈیسک )نواز شریف نے کہا ہے کہ احتساب کا عمل اب سب کے گرد چلے گا، نیب کو غیر موثر کرنے کیلئے وزیراعظم سے بات ہوئی تھی، مگر تذبذب کا شکار تھا، کہیں یہ نہ سمجھا جائے کہ یہ سب کچھ میری ذ ات کیلئے کیا جارہا ہے ، کیس کا فیصلہ ہونے دیں، پھر نیب قانون کو دیکھیں گے۔ ہمیں ججز کی تعیناتی کا طریقہ کار کو درست کرنا ہوگا ، سپریم جوڈیشل کونسل کے طریقہ کار کو بھی بدلنا ہوگا،جب لوگوں کو ہزار ہزار روپے تقسیم کیے جائیں گے تو یہی ہوگا، قوم جاننا چاہتی ہے کہ ہزار ہزار روپیہ کیوں دیا گیا، قوم اس ملک کی مالک ہے مزارع نہیں۔ احتساب عدالت میں پیشی پر میڈیا سے غیر رسمی گفتگو میں انہوں نے کہا کہ وزیرداخلہ پر حملہ معمولی بات نہیں، یہاں تک نوبت پہنچنا تشویشناک ہے، قوم جاننا چاہتی ہے کہ ہزار ہزار روپیہ کیوں دیا گیا۔،اس ملک میں احتساب صرف سیاست دانوں کا ہوتا ہے تاہم الیکشن میں کامیابی کے بعد نیا نظام ضرور لائینگے، ہمارے لوگوں کو توڑنے کیلئے اپروچ کیا گیا تاہم ڈرانے، دھمکانے اور نیب میں کیسز چلانے کے باوجود مخلص لوگوں نے وفاداریاں نہیں بدلیں، یہ جو مقدمہ چل رہا ہے کیا یہ میرے لیے پیغام نہیں،ہائیکورٹ کے جج نے متعلقہ سوال پوچھے مگر ان کا جواب نہیں آیا، جسٹس قاضی فائزعیسی کے سوالوں کا جواب بھی نہیں دیا گیا، یہ ملک ہم سب کا ہے، قوم اس ملک کی مالک ہے مزارع نہیں، بہت ہوچکا، 70 سال سے مزارع رہے اب مستقبل سنوارنا چاہیے، عوام کو احساس ہوچکا ہے کہ وہ مالک ہیں، اب فیصلہ بھی قوم کا ہوگا جب کہ سپریم کورٹ کے 28 جولائی کے فیصلے کو عوام نے مسترد کردیا۔ انہوں نے کہا کہ چوہدری نثار کی طبعیت ناساز تھی میں نے جا کر اعلان کیا تھا۔ احتساب کا عمل اب سب کے گرد چلے گا کیس کا فیصلہ ہونے دیں پھر نیب قانون دیکھیں گے۔ ان کے گواہ جھوٹے ثابت ہوئے۔ جو گواہ آیا کسی نے گواہی نہیں دی جنہوں نے لوٹ مار کی وہ آرام سے سو رہے ہیں میں 62 ویں مرتبہ عدالت میں پیش ہوا ہوں ، روز میرے متعلق خبر آتی ہے کہ اڈیالہ جیل کی صفائیاں ہورہی ہیں۔