گلگت بلتستان سے تعلق رکھنے والے کوہ پیما محمد علی سدپارہ نے یورپ کی بلند ترین چوٹی سر کر کے تاریخ رقم کردی۔

اسلام آباد(ویب ڈیسک /ٹی این این)گلگت بلتستان ضلع سکردو سے تعلق رکھنے والے کوہ پیما محمد علی سدپارہ نے ایک اور اعزاز اپنے نام کرتے ہوئے یورپ کی بلند ترین چوٹی سر کر لی ہے۔ تفصیلات کے مطابق محمد علی سدپارہ نے یورپ کی بلند ترین چوٹی مونٹ بلانک جو کہ 4808 میٹر بلند ہے، سر کرکے پاکستان میں تاریخ رقم کردیا۔
اُنہوں نے مہم جوئی کا آغاز دسمبر کے آخری ایام میں کیا تھا۔ یاد رہے اس قبل مونٹ بلانک 1976 میں سر کی گئی تھی۔ یوں گلگت بلتستان سے تعلق رکھنے والےنامور کوہ پیما محمد علی سدپارہ نے 8 ہزار میٹر بلند 8 چوٹیاں سر کرنے والے پہلے پاکستان میں پہلی بار تاریخ رقم کردیا۔
محمد علی سدپارہ 8 ہزار میٹر بلند کے ٹو، گشہ بروم1، گشہ بروم 2، براڈ پیک، ننگا پربت، مناسلو اور دیگر چوٹیاں سر کر چکے ہیں۔محمد علی سدپارہ کا تعلق اسکردو کے نواحی علاقے سدپارہ سے ہے۔یاد رہے کہ چند ماہ قبل ہی نامور کوہ پیما محمد علی سدپارہ نےدنیا کی نویں بڑی اور پاکستان کی دوسری بڑی چوٹی نانگا پربت 8125-M ایک بار پھرسر کی تھی۔محمد علی سدپارہ نےدنیا کی نویں بڑی چوٹی نانگا پربت ایک بار پھر سر کرلی۔
سیکریٹری الپائن کلب آف پاکستان کرار حیدری نے اس حوالے سے ذرائع ابلاغ کے نمائندوں کو بتایا تھا کہ محمد علی سدپارہ نے یہ کارنامہ پانچویں مرتبہ سر انجام دیا ہے۔انہوں نے کہا کہ محمد علی سدپارہ پاکستان کے پہلے کوہ پیما ہیں جنہوں نے دنیا کی چودہ ، آٹھ ہزار میٹر بلند چوٹیوں میں سے سات چوٹیاں سر کر چکے ہیں۔محمد علی سدپارہ کے ہمراہ 10 غیر ملکی کوہ پیماؤں نے بھی نانگا پربت کی چوٹی سر کی تھی۔