0
0
اسلام آباد(ویب ڈیسک /ٹی این این)انڈین اخبار دی ہندوکے مطابق بھارتی وزیرخارجہ سشما سوارج نے مسئلہ کشمیر کو مکمل طور پر اندرونی معاملہ قرار دیتے ہوئے اسلامی تعاون تنظیم (او آئی سی) کی جانب سے مقبوضہ کشمیر میں دہشت گردانہ اقدامات کے خلاف منظور کی گئی قرارداد کو مسترد کردیا۔دفتر خارجہ کے بیان کے مطابق متحدہ عرب امارات کے شہر ابوظہبی میں اوآئی سی کے وزرائے خارجہ کے 46 ویں اجلاس میں رکن ریاستوں نے قرارداد منظور کی تھی جس کے متن میں واضح کیا گیا تھا کہ ‘جموں و کشمیر دونوں ممالک پاکستان اور بھارت کے درمیان بینادی تنازع ہے اور یہ قرارداد جنوبی ایشیا میں امن کے خواب کے لیے ناگزیر ہے’۔
او آئی سی کی قرارداد میں مقبوضہ کشمیر میں بھارت کے حالیہ دہشت گردانہ اقدامات کی سخت الفاظ میں مذمت کی گئی تھی اور مقبوضہ وادی میں مظالم اور انسانی حقوق کی سنگین خلاف ورزیوں پرگہری تشویش کا اظہار کیا گیا تھا۔
بھارت کے وزارت خارجہ امور سے جاری ایک بیان میں کہا گیا ہے کہ ‘مقبوضہ جموں و کشمیر کے حوالے سے قرارداد کے معاملے پر ہمارا موقف واضح اور ٹھوس ہے، ہم تجدید کرتے ہیں کہ جموں و کشمیر بھارت کا حصہ ہے اور یہ مکمل طور پر بھارت کا اندرونی معاملہ ہے’۔
او آئی سی کی قرار داد میں مقبوضہ کشمیر کے حوالے سے اقوام متحدہ کی قراردادوں پر عمل درآمد کو یقینی بنانے پر زور دیا گیا تھا۔مقبوضہ کشمیر میں پیش آنے والے حالیہ مظالم پر اوآئی سی کے رکن ممالک نے پاکستان کی جانب سے پیش کی گئی ایک اور قرار داد کو بھی منظور کیا تھا جس میں بھارت کی جانب سے پاکستانی فضائی حدود کی خلاف ورزی پر بھی گہری تشویش ظاہر کی گئی تھی۔پاکستان کی جانب سے پیش کی گئی قرارداد میں پاکستان کے دفاعی حق کا اعادہ کیا گیا تھا اور بھارت پر زور دیا گیا تھا کہ دھمکیاں یا فورس کے استعمال سے گریرکریں۔
او آئی سی کی قرار داد میں وزیراعظم عمران خان کی جانب سے بھارت کو مذاکرات کی پیش کش اور گرفتار کیے گئے بھارتی پائلٹ کو جذبہ خیرسگالی کے تحت رہا کرنے کے فیصلے کو سراہا گیا۔قرارداد میں کشیدگی سے گریز کرنے کے ساتھ ساتھ تمام مسائل کو پرامن طریقوں سے حل کرنے پر زور دیا گیا تھا۔
یاد رہے کہ بھارتی وزیرخارجہ سشما سوراج نے ایک روز قبل ہی او آئی سی کے اجلاس میں شرکت کی تھی اور اپنے خطاب میں دہشت گردوں کی معاونت کرنے والی ریاستوں کے خلاف سخت اقدامات کرنے پر زور دیا تھا جس کے اگلے روز او آئی سی رکن ممالک کی جانب سے مقبوضہ کشمیر میں بھارتی مظالم کی شدید مذمت کی گئی۔پاکستان کے وزیر خارجہ نے او آئی سی کے اجلاس میں بھارتی وزیرخارجہ کو دعوت دینے پر احتجاج کرتے ہوئے شرکت سے انکار کیا تھا۔
More Stories
1971 کی جنگ نے خطہ لداخ کی محبت سے کی ہوئی شادی شدہ جوڑے کو کس طرح جدا کردیا درد ناک کہانی
خطہ بلتستان لداخ بارڈر پر پاک بھارت کے فوجی ایک دوسرے سے سگریٹ ڈرائی فروٹ کا تبادلہ کرتے ہیں مگر بچھڑے ہوئے خاُندانوں کو ملنے کیلئے لداخ سکردو روڈ آخر کیوں نہیں کھول رہا؟
عوامی ایکشن کمیٹی دو گروپوں میں تقسیم کے بعد ایک گروپ نے غذر روڑ بند کرنے کا اعلان کردیا اور غذر کے عوام کا بڑا بیان سامنے اگیا