اہم خبریں

پاکستان میں وسائل کی کمی نہیں کرپشن کی وجہ سے سرمایہ کار ملک چھوڑ کر گئے تھے ۔وزیر اعظم کا نمل یونیورسٹی میں خطاب

میانوالی( ویب ڈیسک/ٹی این این)وزیراعظم عمران خان کا کہنا ہے کہ پاکستان میں وسائل کی کوئی کمی نہیں جب کہ جو سرمایہ کار کرپشن کی وجہ سے ملک چھوڑ کر گئے تھے ، وہ سب واپس آرہے ہیں‘میانوالی میں نمل یونیورسٹی کے چھٹے کانووکیشن سے خطاب کرتے ہوئے وزیراعظم عمران خان کا کہنا تھا کہ طلبہ کے والدین کے چہروں پر خاص خوشیاں دیکھ رہا ہوں، طلبا سے زیادہ والدین کے چہروں پرخوشی ہے ، دیہاتی علاقے میں پرائیویٹ یونیورسٹی کے بارے کوئی سوچ بھی نہیں سکتا تھا، اتنے دور دراز علاقے میں یونیورسٹی قائم کرنا مشکل ہوتاہے ۔وزیراعظم عمران خان کا کہنا تھا کہ اللہ تعالی کامیابی اسے دیتا ہے جو محنت کرتا ہے ، پاکستان میں وسائل کی کوئی کمی نہیں، جو سرمایہ کار کرپشن کی وجہ سے ملک چھوڑ کر گئے تھے ، وہ سب واپس آرہے ہیں۔ ان کا کہنا تھا کہ کسی دوسرے کلچر کو اپنانے والے غلام ذہن بن جاتے ہیں، علامہ اقبال کی شاعری کو پڑھیں تو ایسے لگتا ہے وہ آج بھی ہم سے بات کررہے ہیں۔