اہم خبریں

گلگت بلتستان کی ملازم پیشہ بیٹی کراچی میں لاپتہ، پولیس تاحال برآمد کرنے میں ناکام۔

کراچی(ٹی این این) گلگت بلتستان ضلع غذر یایسن سے تعلق رکھنے والی 22 سالہ خوش بخت 4 جنوری 2019 سے لاپتہ ہیں۔ تفصیلات کے کراچی سپرہائی وے رحیم ویو اپارٹمنٹ بلاک ایچ کے رہائشی خوش بخت کراچی کے علاقہ ناظم آباد میں واقع سیفی ایک نجی ہسپتال میں بطور نرسنگ اسسٹنٹ کام کرتی تھی لیکن مورخہ چار جنوری کو دن بارہ بجے ڈیوٹی سے گھر کی طر نکل گئی ہے لیکن تا حال گھر نہیں پونچی۔اہل خانہ نے اس حوالے سے کراچی ڈسٹرک ملیر کے سچل تھانے میں گمشدگی کی رپورٹ درج کرائی ہے لیکن پولیس تا حال لڑکی کو برآمد کرنے میں ناکام ہیں۔
اہل خانہ نے وزیر اعلیٰ سندھ قائم علی شاہ آئی جی سندھ سے اپیل کی ہے کہ اُنکی بیٹی کی بازیابی کیلئے کوشش کریں کیونکہ مقامی پولیس اس حوالے سے تعاون نہیں کررہا ہے اور واقعہ کو چھ روز گزرنے کے باوجود تھانہ سچل پولیس نے تاحال مقدمہ درج کرکے تفتیش کا آغاز نہیں کیا۔مغویہ کے ورثاء نے ارباب اختیار سے نوٹس لینے کا مطالبہ کیا ہے۔ والدین نے گلگت بلتستان کے وزیر اعلیٰ سے بھی مطالبہ کیا ہے کہ گلگت بلتستان کے شہری کی بازیابی کیلئے سندھ حکومت کو خط لکھیں ۔