اہم خبریں

ضلع شگر میں ویکسینٹر کی بھرتیوں میں من مانی کا انکشاف،متاثرین نے عدالت سے رجوع کرنے کا فیصلہ کرلیا۔

شگر(ٹی این این)محکمہ صحت شگر کے ویکسینٹر کی پوسٹ پر کئی سالوں سے رضاکرانہ خدمات انجام دینے والوں کو نظرانداز کرکے وزیر اعلیٰ اور چیف سیکریٹری کے احکامات کی کھلے عام دھجیاں بکھیر دئے۔رضاکار ملازمین کا عدالت سے رجوع کرنے کا فیصلہ۔تفصیلات کے مطابق گذشتہ دنوں محکمہ صحت شگر کے مختلف یونین کیلئے ویکسینٹر کی پوسٹوں پر کیریئر ٹیسٹنگ سروس کے ذریعے ہونے والے ٹیسٹ کے بعد محکمانہ انٹرویو میں شدید ہیرا پھیری کی شکایات سامنے آگئے۔ شگر کے دو یونینز میں کئی کئی سالوں سے بغیر معاوضے سے خدمات انجام دینے والوں کو نظرانداز کردیا گیا ہے۔ جس میں الچوڑی اور برالدو شامل ہے جہاں کئی کئی سالوں سے بلامعاوضہ ڈیوٹی دینے والوں کو یکسر نظرانداز کرکے وزیر اعلیٰ اور چیف سیکریٹری کی احکامات کی کھلم کھلا خلاف ورزی کی گئی ہے۔ امیدواروں کے مطابق صوبائی حکومت کی کابینہ اجلاس میں رضاکارانہ فرائض دینے والوں کو خصوصی رعایت کیساتھ ترجیح دینے کا فیصلہ ہوا تھا اور تمام اداروں کو اس فیصلے کا پابند بنایا گیا تھا ۔تاہم محکمہ صحت گلگت بلتستان کے حکام نے ان کی احکامات ہوا اڑاتے ہوئے سراسر خلاف ورزی کی ہے۔