وزیراعظم آزاد کشمیر کا شاہد آفریدی پر سنگین الزام، شدید پر برہم اورخاموش رہنے کا مشورہ۔

لندن (آن لائن نیوز ڈیسک) وزیراعظم آزاد کشمیر راجہ فاروق حیدر نے لندن میں میڈیا سے گفتگو کرتے ہوئے شاہد آفریدی کے بیان پر سخت رد عمل کا اظہار کرتے ہوئے کہا لگتا ہے شاہد آفریدی بھارتی کرکٹ لیگ آئی پی ایل میں کھیلنا چاہتے ہیں، اس لئے ایسے بیانات دے رہے ہیں۔
راجہ فاروق حیدر نے قومی بلے باز کو مشورہ دیتے ہوئے کہا آفریدی کو کرکٹ پر توجہ دینی چاہیے، انہیں کشمیر جیسے حساس معاملات پر بات کرنے سے گریز کرنا چاہیے۔ وزیر اعظم آزاد کشمیر راجہ فاروق حیدر نے کہا کشمیر کا مسئلہ کشمیریوں کے لیے زندگی اور موت کا مسلۂ ہے۔
اس سے قبل قومی بلے باز نے لندن میں کشمیر کے حوالے سے جو کچھ بھی کہا اس پر انہیں سخت تنقید کا سامنا کرنا پڑا۔ معاملے کی سنگینی کا احساس ہوتے ہی بوم بوم نے ٹویٹ کر دیا جس میں انکا کہنا تھا کشمیری عوام پاکستان سے محبت کرتے ہیں، انہیں ان کا حق ملنا چاہیے، بھارتی میڈیا ان کے بیان کو توڑ مروڑ کر پیش کر رہا ہے، وہ کشمیریوں کی جدوجہد کا احترام کرتے ہیں۔
یاد رہے شاہد آفریدی نے اپنے ایک بیان میں پاکستان اور ہندوستان سے ریاست جموں کشمیر کو آذادی دینے کا مطالبہ کیا تھا جسے سوشل میڈیا پر شدید تنقید کے بعد اُنہوں نے سیاق سباق سے ہٹ کر پیش کرنے کا کہا گیا ہے حالانکہ ویڈیو میں اسی کوئی بات نہیں ہے ۔