تنظیم حقوق پشتی باشندگان گلگت کا پریس کانفرنس،عوامی املاک پر سرکاری قبضے روکنے کا مطالبہ۔

گلگت(تحریر نیوز نیٹ ورک)تنظیم حقوق پشتی باشندگان گلگت کے رہنماوں نے تنظیم کے صدر مشتاق احمد کی قیادت میں گلگت پریس کلب پرخصوصی پریس کانفرنس کیا، اُن کا کہنا تھا کہ ہمارے وسائل زمینوں ملازمتوں و دیگر معاملات میں اہلیان گلگت کے ساتھ ظلم عظیم ہورہا ہے ان زیادتیوں میں انتظامیہ کے اندر بیٹھے افراد برابر کے ملوث ہیں۔ حکومت فوری طور پر اس زیادتی کو روکیں اُنکا کہنا تھا کہ گلگت کے حدود میں کوئی خالصہ سرکار رقبہ نہیں موضو ع کے حدود میں موجود تمام قدرتی وسائل چراگاہ اور ارضیات یہاں کے پشتی باشندگان کی ملکیت ہے۔
اُنکا کہنا تھا کہ گلگت کے حدود میں غیر مالک اور غیر مقامی افراد کو الاٹ منٹ کی گئی جو کہ بالا استحقاق میں اور قابل منسوخی ہے۔ حددود گلگت میں خالصہ سرکار کے عنوان سے ہزاروں کنال چراگاہی اراضی سرکاری اور غیر سرکاری اداروں کے نام الاٹ کی گئی ہے جو کہ نہ صرف غیرقانونی ہے بلکہ اہلیان گلگت کے ساتھ ظلم۔قراقرم یونیورسٹی انتظامیہ غیر متعلق لوگوں کے ساتھ اہلیان گلگت کی چراگاہیں ارضیاب بابت معاہدہ کرنے کی کوشش میں ہے جس باعث کے آئی یو کے متعلقہ حکام سے احتجاج کیا جاچُکا ہے اور عوام گلگت اس بابت مزید احتجاج کا حق محفوظ رکھتے ہیں، جدید بندوبست مورخہ سال دو ہزار دو میں بے شمار ایسے لوگوں کو حدود گلگت میں اہلیان گلگت کی ملکیتی چراگاہیں ارضیات میں سے ملیکت دی گئی ہے جو کہ ظم عظیم ہے، موضع گلگت کے حدود میں قانون کی بالادستی کی خاطر ناجائز قابض اور کرپٹ اہلکاران سرکار اور کرش پلانٹ مافیا کو لگام دینے کی ضرورت ہے۔ محکمہ جنگلات بعض کرپٹ ملازمین اور جنگل مافیا کو لگام دینا وقت کی ضرورت ہے۔