اہم خبریں

چیرمین عوامی ایکشن کمیٹی گلگت بلتستان مولانا سلطان رئیس کو گرفتار کرنے کا حکم۔

گلگت (تحریر نیوزنیٹ ورک) عوامی ایکشن کمیٹی کے اعلامئے کے مطابق ا نسداد دہشت گردی عدالت کے جج راجہ شہباز نے چیرمین عوامی ایکشن کمیٹی مولانا سلطان رئیس کی ناقابل ضمانت وارنٹ گرفتاری جاری کردی ہے۔ مولانا سلطان رئیس پر عوامی احتجاج کے دوران روڈ بلاک کرنے کار سرکار میں مداخلت کیس میں ضمانت کنسل کردی ہے۔اُنکے وکیل کی جانب سے ضمانت کے درخواست کو کو بھی مسترد کردیا ہے۔
اس حوالے سے مولانا سلطان رئیس کا ہمارے نمائندے سے خصوصی طور پر ٹیلی فون پر بات کرتے ہوئے کہنا تھا کہ ہم پُرامن لوگ ہیں اور قانون کے دئرائے میں رہتے ہوئے عوامی حقوق کیلئے پُرامن احتجاج ہمارا قانونی اور آئینی حق ہے لہذا اس معاملےمیں جو بھی قانونی نکتہ ہوگا اس پر عمل کرتے ہوئے سامنا کروں گا۔
سوشل میڈیا پر عوام کی جانب سے عوامی ایکشن کمیٹی کے چیر مین مولانا سلطان رئیس کی حمایت میں لوگوں نے بھرپور احتجا ج کرنا شروع کیا ہے عوامی حلقوں کا کہنا ہے کہ گلگت بلتستان میں پرامن احتجاج کرنا دہشتگردی میں زمرے میں آتا ہے جبکہ دیگر صوبوں میں دہشت گردی سرکاری مہمان بن بیٹھے ہیں۔لہذا اُنکو گرفتار کرنے دراصل گلگت بلتستان میں امن خراب کرنے کی سازش قرار دیا جارہا ہے