اہم خبریں

خالصہ سرکار کے معاملے میں اقوام متحدہ اور مقامی اسمبلی کے ممبران کی خاموشی لمحہ فکریہ ہے۔پروفیشنل سوشل ورکر فورم

کراچی(سٹی رپورٹر) نوجوان صحافی،سماجی رہنما و صدر پروفیشنل سوشل ورکر فورم گلگت بلتستان ذوالفقار علی کھرمنگی نے اپنے ایک اخباری بیان دیتے ہوئے کہا ہے کہ گلگت بلتستان میں عوامی زمینوں کو خالصہ سرکار کے نام حکومت اپنے تحویل میں لے کر قبضہ کر رہے ہیں جو کہ بین الااقوامی قوانین کی سراسرا خلاف ورزی ہے ۔حوطو بیمہ،چھومک تھنگ،مقپوان داس،گوہری تھنگ سمیت کوئی بھی زمینیں خالصہ سرکار نہیں ہے ۔حکومت کو چاہے جب تک گلگت بلتستان کےعوام کو مکمل طور پر قانونی وآئینی حق نہیں ملتا سٹیٹ سبجیکٹ رول کو بحال کریں۔انہوں نے حیرت کا اظہار کرتے ہوئے کہا کہ اقوام متحدہ آبزرویٹری ایجنسی ،گلگت بلتستان اسمبلی کے ممبران اور انسانی حقوق کے تنظیمیں اس معمولے کو لے کر چپ سادھ لی ہوئی ہے جو یہاں کے غریب و بے بس عوام کے ساتھ سراسر ظلم ہے۔انہوں نے وزیر اعظم پاکستان شاہد خاقان عباسی سے مطالبہ کیا کہ وہ گلگت بلتستان کے دورےکے دوران اس مسئلے کو حل کریں۔اگر ایسا نہ ہونے کی صورت میں عوامی احتجاج کا ایک اور بڑا اور طویل جدوجہد دیکھ رہے ہیں۔