اہم خبریں

ڈپٹی اسپیکر قانون ساز اسمبلی جعفراللہ خان ایک بار پھر ایکشن میں۔

گلگت (ڈسٹرک رپورٹر) ڈپٹی اسپیکر قانون ساز اسمبلی جعفراللہ خان نے میڈیا سے بات کرتے ہوئے کہا ہے کہ ماضی کی حکومتوں نے جنت و دوزخ کے سرٹیفکیٹ دینے کے نام پر قتل و غارت گری کے ذریعے گلگت بلتستان کو نوگو ایریا بنا کر عوام کو تباہی کی طرف دھکیل دیا تھا مگر صوبائی حکومت نے قلیل مدت میں ترقیاتی کاموں سمیت عوام کو خوشحالی کے راہ پر گامزن کر دیا ہے ۔ اب گلگت بلتستان کی تعمیر و ترقی کے دشمن حکومت کے خلاف مختلف ہتھکنڈے استعمال کرنے پر تلے ہوئے ہیں حکومت خطے کی تعمیر و ترقی کیلئے دشمنوں کے تمام سازشوں کو ناکام بنا دیگی ، عوام اپنے صفوں میں اتحاد و اتفاق کا مظاہرہ کریں۔ اُنکا مزید کہنا تھا کہ گلگت بلتستان میں سی پیک کو ناکام بنانے کیلئے ملک دشمن طاقتیں بر سر پیکار ہیں ، وفاقی حکومت نے سی پیک میں گلگت بلتستان کیلئے کھربوں روپے میگا پراجیکٹس کیلئے رکھ دئیے ہیں ہمیں گلگت بلتستان کی خوشحالی کیلئے ملک دشمن طاقتوں کو ناکام بنانا ہوگا ۔