اہم خبریں

چلاس پولیس کی بڑی کاروائی،شہر کے پوش علاقوں میں گھروں سے قیمتی اشیاء چوری کرنے والے گروہ کا سرغنہ گرفتار۔

چلاس (پ،ر) سٹی پولیس ان ایکشن ، SHO سٹی تھانہ SIP شاہ سرور کی قیادت میں پولیس ٹیم کی کامیاب کاروائیاں، شہر کے پوش علاقوں میں گھروں سے قیمتی اشیاء چوری کرنے والے گروہ کے مزید سرگرم ارکان گرفتار ، ملزمان کے قبضے سے لاکھوں مالیت کی مال مسروقہ برامد ، مزید انکشافات کی توقع ہے . سٹی پولیس نے ایک اور کاروائی کے دوران خطیر مالیت کے غیر قانونی آتشبازی کا سامان جس میں آتشگیر پٹاخے شامل ہیں کی بڑی مقدار برآمد کرکے فوری قبضے میں لیکر قانونی کاروائی کا آغاز کیا ہے۔ یاد رہے کہ مفاد عامہ کو مدنظر رکھتے ہوئے ضلع بھر میں آتشبازی کے ساز و سامان کی ہرقسم خرید و فروخت پر ڈسٹرکٹ مجسٹریٹ صاحب دیامر کی جانب سے دفعہ 144 ض ف ، کے تحت مکمل پابندی عائد ہے۔ عوامی حلقوں نے پولیس کی جانب سے چوری کی وارداتوں میں ملوث گروہ کی نشاندہی اور گرفتاری ، چوری شدہ مال کی برآمدگی کرنے سمیت عید الاضحی سے قبل فائر کریکرز ، کے خلاف کامیاب کاروائی کرنے پر اطمینان کا اظہار کرتے ہوئے ہوئے سٹی پولیس کی تعریف کی ہے ۔ ایس پی دیامر محمد عمران کھوکھر نے ایس ایچ او تھانہ سٹی ، SIP شاہ سرور اور اس کی ٹیم کو خصوصی شاباش دیتے ہوئے جرائم کے سدباب کیلئے اسی طرح مستعد و متحرک رہنے کی ہدایت کی ہے ۔