اہم خبریں

پاک فوج نے شدید برفباری کے باوجود چودہ ہزار فٹ برزل پاس عام ٹریفک کیلئے کھول دیا ہے۔

گلگت (نامہ نگار خصوصی) پاک فوج نے گلگت بلتستان میں شدید برف باری کے باوجود 14ہزار فٹ کی بلندی پر موجود برزل پاس کو کئی فٹ اونچی برف ہٹا کر ٹریفک کے لیے کھول دیا ہے۔ یاد رہے کہ رواں سال موسم سرمہ مین شمالی علاق جات مین شدید برف باری ہوئی جس کی وجہ سے برزل پاس بند ہو گیا تھا، ہر سال یہ پاس سرما میں بند رہتا ہے اور جون میں کھولا جا سکتا ہے لیکن اس سال پاک فوج نے شدید محنت کر کے اس پاس کو اپریل میں کھول دیا ہے حالانکہ اس سال پاکستان میں شدید برف باری ہوئی تھی۔
کورکمانڈر راولپنڈی بلال اکبر نے برزل پاس کا افتتاح کر دیا ہے اور اس پاس کو عام ٹریفک کے لیے کھول دیا گیا ہے۔ پاک فوج ملک میں انفرسٹکچر کے حوالے سے بھی کام کر رہی ہے، پاک فوج نے دہشت گردی کے خلاف آپریشن کے بعد بلوچستان، گلگت بلتستان اور قبائلی علاقوں میں پل بنائے ہیں اور دہشت گردوں کی جانب سے تبا کردیے گئے سکولوں کو بھی بحال کر دیا ہے۔