جانباز ڈٹ گئے۔ عدم اعتماد کی صورت میں دیامر سے وزیر اعلی منتخب ہونے کیلئے پُرعزم۔

اسلام آباد(بیورو روپورٹ) وزیر اعلی گلگت بلتستان حافظ حفیظ الرحمن کے خلاف پیپلزپارٹی کی جانب سے تحریک عدم اعتماد کی خبروں کے بعد اسلام میں آباد کے ہوٹلوں میں رونقیں بڑھ گئی ہے۔ وزیر اعلی گلگت بلتستان کی جانب سے ناراض ممبران قانون ساز اسمبلی کیلئے مسلسل عشائیوں کا سلسلہ جاری ہیں مگر معاملہ ختم ہونے کے بجائے مسلسل بڑھ رہا ہے۔ میڑٹ ہوٹل میں ممبران قانون ساز اسمبلی سے عہد وفا کے  حلف نامے پر دستخطی مہم میں جانباز نے بغاوت کرکے حفیظ کی پریشانیوں میں مزید اضافہ کردیا۔ تفصیلات کے مطابق میرٹ ہوٹل میں اراکین کیلئے دی جانے والے عشائے کا اصل مقصد حفیظ الرحمن نے ممبران سے عہد وفا کا حلف لینا تھا جس پر دستخط کرانے میں اُنہیں کامیابی تو ملی لیکن دیامر سے وزیر اعلی کیلئے مضبوط ترین امیدوار حاجی جانباز خان نے دستخط کرنے سے بھی انکار کرکے حفیظ کی پریشانیوں میں مزید اضافہ کردیا۔ ذرائع کا کہنا ہے کہ جن افراد نے دستخط کئے ہیں وہ بھی وقت آنے پر حفیظ الرحمن کے خلاف ووٹ دینے کیلئے تیار ہیں۔ یوں پاکستان پیپلزپارٹی کی خواہش اور دیامر کے عوام میں بڑھتی ہوئی سیاسی محرومیت کو ختم کرنے کیلئے مسلم لیگ نون کے سینئر رہنما حاجی جانباز خان مضبوط ترین امیدوار ہیں۔

About TNN-GB

اپنی رائے کا اظہار کریں

آپ کا ای میل ایڈریس شائع نہیں کیا جائے گا.

*

apental calc