گلگت بلتستان میں مسلم لیگ نون کے حکومت کی عجب کرپشن کی غضب کہانی منظر عام۔

گلگت ( ڈسٹرک رپورٹر)محکمہ پولیس گلگت بلتستان میں امیدواروں کو جعلی آرڈرز تھما کر کروڈوں روپے بٹورنے کا انکشاف، مسلم لیگی حکومت کی کرپشن کی غضب کہانی منظر عام پر آگئی۔ مقامی پرنٹ میڈیا رپورٹ کے مطابق گلگت بلتستان میں محکمہ پولیس میں امیدواروں کو جعلی آرڈرز تھما کر کروڈوں روپے ہتھیا لیے گئے۔ لوکل میڈیا رپورٹ کے مطابق ایک امیدوار سے فی کس پانچ سے آٹھ لاکھ روپے لئے گئے۔ کروڈوں روپوں کی اس کرپشن میں مسلم لیگی اہم شخصیات کے ملوث ہونے کا انکشاف ہوا ہے۔ دیگر ذرائع کا بھی اس حوالے سے کہنا ہے کہ محکمہ پولیس میں بھرتی ہونے والوں سے بھی کروڈوں روپے وصول کرلئے گئے ہیں۔ اس طرح اصلی آرڈرز اور جعلی آرڈرز کئے جانے والے تمام امیدواروں سے پیسے لئے گئے ہیں۔ اب جو لوگ محکمہ پولیس میں بھرتی ہوئے ہیں وہ بھی مسلم لیگی شخصیات کی کرپشن کی بھینٹ چڑھ گئے ہیں۔ ہمارے نمائندے نے اس حوالے مختلف ذرائع کی وساطت سے گلگت بلتستان کی سول سوسائٹی اور سیاسی جماعتوں کے رہنماوں سے رابطہ کیا تو اُنکا کہنا ہے کہ مسلم لیگی حکومت کا تکنیکی کرپشن کا یہ کوئی پہلا واقعہ نہیں ہے بلکہ مسلم لیگی حکومت کرپشن کے اس ڈرم میں ڈوبی ہوئی ہے۔ عوامی حلقوں نے چیف سکریٹری سے مطالبہ کیا کہ وہ ذمہ داروں کے خلاف کاروائی عمل میں لاکر متاثرہ امیدواروں کو انصاف دلائیں۔

About TNN-GB

اپنی رائے کا اظہار کریں

آپ کا ای میل ایڈریس شائع نہیں کیا جائے گا.

*

apental calc