پارلیمانی کمیٹی گلگت بلتستان اسمبلی کا ایکشن کمیٹی و انجمن تاجران سے ملاقات

اسلام آباد(بیورو رپورٹ)پارلیمانی کمیٹی گلگت بلتستان اسمبلی اور ایکشن کمیٹی و انجمن تاجران کے مابین اتوار کے روز اسلام آباد میں ایک مشاورتی اجلاس منعقد ہوا جس کی سربراہی سینئر وزیر حاجی اکبر تابان نے کی،

اجلاس میں پارلیمانی کمیٹی کے ممبران وزیر قانون اورنگزیب ایڈوکیٹ ،عمران ندیم ،کاچو امتیاز ،آغا محمد علی شاہ ،ایکشن کمیٹی و انجمن تاجران کے مولانا سلطان رئیس،فدا حسین ۔،محمد فاروق اور مسعود الرحمن نے شرکت کی ،ملک ابرار کی سربراہی میں بننے والی کمیٹی نے گلگت بلتستان میں ٹیکس ایشو کے حوالے جو سفارشات مرتب کی تھیں ان سفارشات کو اجلاس میں موضوع بحث بنایا گیا ،جس پر دونوں جانب سے سیر حاصل گفتگو کی گئی.

ایکشن کمیٹی نے اس حوالے سے اپنی تجاویز بھی پارلیمانی کمیٹی کے سامنے پیش کیں اجلاس میں متفقہ طور پر فیصلہ کیا کہ مشاورت کا یہ عمل مزید جاری رہے گا۔

About admin

اپنی رائے کا اظہار کریں

آپ کا ای میل ایڈریس شائع نہیں کیا جائے گا.

*

apental calc