نقیب اللہ محسود قتل کیس، راؤ انوار کو اُنکی ٹیم سمیت گرفتار کرنے کا فیصلہ۔

کراچی(ویب ڈیسک )اعلیٰ سطح اجلاس میں سابق ایس ایس پی ملیر راو¿ انوار کو ان کی پولیس پارٹی سمیت گرفتار کرنے کا فیصلہ کیا گیا ہے۔ قبائلی نوجوان نقیب اللہ محسود کی پولیس مقابلے میں ماورائے عدالت ہلاکت میں ملوث پولیس افسر راو انوار کے گرد گھیرا مزید تنگ ہوگیا۔ ذرائع نے بتایا کہ راو انوار کے مبینہ پولیس مقابلے کی تحقیقات کرنے والی ٹیم کا اجلاس ہوا جس میں تحقیقاتی ٹیم کے ارکان کے علاوہ اسپیشل برانچ کے افسران اور دیگر اعلیٰ حکام نے شرکت کی۔تحقیقاتی کمیٹی اور محکمہ انسداد دہشت گردی سندھ کے سربراہ ایڈیشنل آئی جی ثنااللہ عباسی نے اجلاس کی صدارت کی۔ اجلاس میں سابق ایس ایس پی ملیر راو انوار کو ان کی پوری پولیس پارٹی سمیت گرفتار کرنے کا فیصلہ کیا گیا ہے۔ حکام نے ضلع ملیر کے تمام ایس ایچ اوز کو بھی تبدیل کرنے کا فیصلہ کیا ہے۔واضح رہے کہ کراچی کے علاقے شاہ لطیف ٹاون میں مشکوک پولیس مقابلے میں کپڑوں کے تاجر نقیب اللہ محسود سمیت 4 افراد کو قتل کرنے کے الزام میں راو¿ انوار کو ایس ایس پی ملیر کے عہدے سے ہٹایا جاچکا ہے۔

About TNN-GB

اپنی رائے کا اظہار کریں

آپ کا ای میل ایڈریس شائع نہیں کیا جائے گا.

*

apental calc