پاکستان کے تمام شہر گلگت بلتستان کے طلباء و طالبات کے لئے غیر محفوظ ہو تے جارہے ہیں،طلباء و طالبات اپنی تحفظ کے لئے قومی طلبہ جماعتوں کو مضبوط کریں۔

اسلام آباد (پریس ریلیز)لاہور میں چند مقامی اوباش لڑکوں کے ہاتھوں گلگت بلتستان کے نوجوان طالب علم دلاور عباس کا بہیمانہ قتل کی جتنی مذمت کی جائے کم ہے بالاورستان نیشنل سٹوڈنٹس ارگنائزیشن قاتلوں کی فی الفور گرفتاری کا مطالبہ کرتی ہے ان خیالات کا اظہار بالاورستان نیشنل سٹوڈنٹس ارگنائزیشن کے ارگنائزر شیرنادر شاہی نے اپنے ایک پریس ریلیز میں کیا۔ انہوں نے مزید کہا کہ پاکستان کے تمام شہر گلگت بلتستان کے طلباء و طالبات کے لئے غیر محفوظ ہو تے جارہے ہیں، گلگت بلتستان کے طلباء و طالبات اپنی تحفظ کے لئے قومی طلبہ جماعتوں کو مضبوط کریں اور پاکستانی پولیس پر انحصار کرنے کے بجائے اپنی جان و مال کی حفاظت کے لئے متحد ہو جائے۔ انہوں نے مزید کہا ہے کہ دلاور عباس کا واقعہ پہلا واقعہ نہیں ہے بلکہ اس سے پہلے بھی گلگت بلتستان کے طلبا اور نوجوانوں کی لاشیں کراچی اسلام آباد لاہور اور دیگر شہروں سے ملتی رہی ہے اور آج تک کسی قاتل کو سزا نہیں دی گئی۔ انہوں نے کہا کہ دلاور عباس کو وحشیانہ قتل کرنے والوں کو سرعام رہا کرنا انصاف کی موت ہیں۔ انہوں نے وزیر اعلیٰ گلگت بلتستان سے مطالبہ کیاہے کہ وہ پنجاب میں اپنی حکومت پر دلاور عباس کے قاتلوں کی گرفتار، فوری سزا اور پنجاب میں گلگت بلتستان کے طلبہ و طالبات کے تحفظ پر ذور دیں۔

About TNN-GB

اپنی رائے کا اظہار کریں

آپ کا ای میل ایڈریس شائع نہیں کیا جائے گا.

*

apental calc