انجمن تاجران شگر کے صدر اور پیپلرپارٹی کے رہنما کے درمیان سیاسی وار۔

شگر(پ ر) پیپلز پارٹی شگر کے سیکرٹری اطلاعات علی احمد اور سٹی کے سیکرٹری اطلاعات سلیم رضا نے کہا ہے کہ انجمن تاجران چھورکاہ کے صدر اپنی قد سے اونچی بات کرکے علاقے میں ہیرو بننے کا خواب دیکھ رہا ہے ان کا خواب کبھی بھی شرمندہ تعبیر نہیں ہوگا میڈیا سے گفتگو کرتے ہوئے انہوں نے کہا کہانجمن تاجران اپنے آپ کو غیر سیاسی پارٹی گردانتے ہیں لیکن انجمن تاجران چھورکاہ کے صدر کو حادثاتی طور پر صدارت کا عہدہ ملتے ہی انہوں نے پیپلز پارٹی کو ٹارگیٹ کرنا شروع کیا ہے جس پر انجمن تاجران بلتستان کو ایکشن لینا چائیے ،انہوں نے کہا کہ ٹیکس ایشو پر عمران ندیم نے بطور ممبر پارلیمانی کمیٹی کھل کر عوامی آواز کو اجاگر کیا ہے اور انہوں نے کمیٹی کے اجلاسوں میں ٹیکس کی بھر پور مخالفت کی انہوں نے کہا کہ چھورکاہ بازار کمیٹی کے صدر جس دور میں لگائے گئے ٹیکس کا رونا رو رہے ہیں انہیں یہ بھی معلوم نہیں کہ اس وقت شگر سے کس کا نمائندہ جیتا ہوا تھا وہ ہمیں بتائیں کہ اپنے نمائندے نے پانچ برسو ں میں عوام سے کئے گئے کتنے وعدے پورے کئے انہوں نے کہا کہ عمران ندیم گلگت بلتستان کامانا ہوا عوامی لیڈر ہے اگر شگر کچھ گروپ ان کیخلاف ہیں تو ان کی صحت پر کوئی اثر نہیں پڑتا انہوں نے کہا کہ عمران ندیم کو جب بھی اقتدار ملا انہوں نے شگر میں ریکارڈ ترقیاتی کام کئے ہیں اور اب بھی وہ اپوزیشن میں ہوتے ہوئے بھی ریکارڈ ترقیاتی منصوبے لائے ہیں اور ان پانچ برسوں میں شگر کو ایک بار پھر ترقیاتی ضلع بنا کردم لیں گے ۔

About TNN-GB

اپنی رائے کا اظہار کریں

آپ کا ای میل ایڈریس شائع نہیں کیا جائے گا.

*

apental calc