پاکستان کے خلاف بیان پر ڈونلڈٹرمپ کے مسلمان مشیر نے بھی خاموشی توڑ دی۔ اہم بیان جاری۔

واشنگٹن( آن لائن نیوز ڈیسک) ڈونلڈٹرمپ کے مشیرساجد تارڑ نے میڈیا سے بات کرتے ہوئے کہا ہے کہ پاکستان کا موازنہ بھارت کے بجائے بنگلا دیش اور سری لنکا سے کیا جانا لمحہ فکریہ ہے۔ ڈونلڈ ٹرمپ کا ٹویٹ پاکستان کے اقدامات پر مایوسی کا اظہار ہے لیکن حرف آخر نہیں ، معاملات بہتر کیے جاسکتے ہیں۔ اُنہوں نے کہا کہ ڈونلڈٹرمپ کی ٹویٹ نے دنیا بھر میں ہلچل پیدا کردی ہے، امریکا یہ سمجھتا ہے کہ 33ارب ڈالر کرپشن کی نذر ہوئے ، اس کی امداد صحیح جگہ نہیں پہنچتی۔انہوں نے مزید کہا کہ ا مریکی وزیر خارجہ ٹیلرسن نے بھی پاکستان سے واپسی پر مایوسی کا اظہارکیاتھا۔اُنکا مزید کہنا تھا کہ اسامہ اور حقانی نیٹ ورک کی سپورٹ پر پاکستان دنیا کو مطمئن نہیں کر سکاان کا یہ بھی کہنا تھا کہ پاکستان خطے میں ترقی کی دوڑ سے پیچھے رہ چکا ہےاور پاکستان کی خارجہ پالیسی کا فقدان آج ملک کواس نہج پر لے آیا ہے۔امریکا سمجھتا ہے پاکستان یا بھارت کی مدد کے بغیر افغانستان میں امن ممکن نہیں ہےاور پاکستان کے دوہرے معیار کی وجہ سے امریکا کا بھارت کی طرف جھکاؤ زیادہ ہے لیکن پاکستان کی جغرافیائی اہمیت کو کوئی نظرانداز نہیں کرسکتا۔

About TNN-GB

اپنی رائے کا اظہار کریں

آپ کا ای میل ایڈریس شائع نہیں کیا جائے گا.

*

apental calc