گندم سپلائی ٹینڈر کا معاملہ پیپلزپارٹی کے اہم رہنماء نے بڑا مطالبہ کردیا۔

گلگت ( پ ر) رہنما پاکستان پیپلز پارٹی گلگت بلتستان جمیل احمد نے ایک بیان میں کہا ہے کہ نیٹکو میں گندم کی سپلائی کے ٹینڈر میں ہونے والی کرپشن کی تحقیقات کرائی جائے۔اُنہوں نے الزام لگایا ہے کہ رکن کونسل جو کہ وزیراعلیٰ کے پارٹنرہیں دونوں کی ملی بھگت سے گندم کی سپلائی کے ٹھیکوں میں بڑے پیمانے پر کرپشن ہورہی ہے جس کی ہرصورت میں تحقیقات ضروری ہے۔انہوں نے مزید کہا کہ گلگت بلتستان میں تاریخ کی بدترین کرپشن ہورہی ہے۔دو سالوں میں ایک بھی ٹینڈرمیرٹ کی بنیاد پر نہیں ہوا۔ سارے ٹھیکے وزیراعلیٰ کے رشتہ داروں اورپارٹنر اور سیاسی سپورٹرز کوہی ملے ہیں۔ سکردوسے گلگت تک تمام ٹھیکوں پرلیگیوں نے ہاتھ صاف کرلئے ہیں۔ادارے خاموش ہیں نیب اور ایف آئی اے کی خاموشی سے سوالات جنم لے رہے ہیں۔

یاد رہے پیپلز پارٹی کے دور میں بھی اُنکے سنئیر وزیر جو اُس وقت وزیر خوراک بھی تھے اُن پر یہی الزام تھا کہ اںہوں نے گلگت بلتستان کے کوٹے کا گندم مہنگے داموں افغانستان اسمگل کرنے کے ساتھ ساتھ مقامی فلور ملوں کو بلیک فروخت کرکے مصنوعی قلت پیدا کی تھی جسکا کا تاحال کوئی انکوائری نہیں ہوسکا۔

About admin

اپنی رائے کا اظہار کریں

آپ کا ای میل ایڈریس شائع نہیں کیا جائے گا.

*

apental calc