حکومتی تمام قسم کے حربے ناکام ،گلگت بلتستان بھر میں کامیاب ہڑتال اورشٹرڈاون۔

گلگت ( نامہ نگار خصوصی) ٹیکس مخالف ہڑتال کا تیسرا مرحلہ بھی مکمل کامیاب اور حکومتی سازش اور تمام قسم کے منفی پروپگنڈوں کی ہوا نکل گئی۔ گلگت بلتستان بھر میں آج صبح سے اپنے حقوق کیلئے عوام نے انجمن تاجران اور عوامی ایکشن کمیٹی کی کال پر تمام کاروباری مراکز دوکانیں اور ٹرانسپورٹ بلکل ہی بند کردیا۔ گلگت شہر میں انتظامیہ کی جانب سے رات گئے عوامی ایکشن کمیٹی اور انجمن تاجران کی جانب سے لگائے گئے ٹیکس مخالف بینرز اُتارے گئے اور لوڈاسپیکر سے دوکانیں کھولنے کیلئے اعلانات کرتے رہے لیکن عوام نے حکومتی دعوں کو مسترد کرتے ہوئے حقوق کی حصول کیلئے وقتی طور پر زحمت اُٹھانے کا فیصلہ کرلیا۔ دوسری طرف حکومت کی جانب سے پولیس اور رینجرز کے ذریعے گلگت شہر میں زبردستی دوکانیں کھلوانے کی کوشش بھی ناکام ہوگئی ۔

دوسری طرف سکردو سمیت بلتستان کے دیگراضلاع گانچھے ،شگر،کھرمنگ اور سب ڈویزن روندو میں بھی مکمل شٹرڈاون،پہیہ جام ہڑتال جاری،کاروباری اور تجارتی مراکز بند۔ ہر طرف سناٹا اورتیزرفتار برف باری اور ہڑتال کے باعث نظام زندگی مفلوج ہوگئی ہے۔،

About admin

اپنی رائے کا اظہار کریں

آپ کا ای میل ایڈریس شائع نہیں کیا جائے گا.

*

apental calc