پی ٹی آئی کی منشور تعلیم اورہیلتھ میں بہتری لانا ہے۔پی ٹی آئی حکومت میں آکر صحت اور تعلیم کے شعبوں میں بہتر پالیسی کیساتھ انقلابی اقدامات اٹھائیں گے۔ عدیل شگری

شگر(عابدشگری)پاکستان تحریک انصاف شگر کے صدروزیر عدیل شگری نے کہا ہے کہ پی ٹی آئی کی منشور تعلیم اورہیلتھ میں بہتری لانا ہے۔پی ٹی آئی حکومت میں آکر صحت اور تعلیم کے شعبوں میں بہتر پالیسی کیساتھ انقلابی اقدامات اٹھائیں گے۔بہتر تعلیم ادارے اور صحت کے مراکزکسی بھی معاشرے کی بنیادی ضرورت ہے۔موجودہ اور سابقہ حکومتوں کی جانب سے ان شعبوں کو مسلسل نظر انداز کیا گیا۔ لیکن ہم حکومت میں آکر اس شعبوں میں بہتری لائیں گے۔گرلز ہائیر سکینڈری سکول شگر میں ایک تقریب سے خطاب کرتے ہوئے انہوں نے کہا کہ پی ٹی آئی عوامی خدمت پر یقین رکھتے ہیں۔ اور لوگوں کی خدمت کو ہم اپنا فرض سمجھتے ہیں۔ سابقہ عوامی نمائندے پہلے ووٹ پھر کام کا وعدہ کرتے تھے لیکن ہم ووٹ بعد میں پہلے کام کو ترجیح دیتے ہیں۔انہوں نے کہا کہ محکمہ تعلیم اور تعلیمی اداروں میں کوئی بہتر اور مستقل پالیسی نہ ہونے اور عوامی نمائندوں کی جانب سے مسلسل عدم توجہی کی وجہ سے زبوں حالی کا شکار ہیں ۔ہمارے علاقے کی ننانوے فیصد آبادی غریب اور متوسط گھرانوں پر مشتمل ہے اور ان گھرانوں کیلئے یہی سرکاری تعلیمی ادارے واحد ذریعہ ہے جہاں وہ اپنے بچوں کو بہتر تعلیم دلاسکیں۔انہوں نے بہتر کارکردگی پیش کرنے پر ہائیر سکینڈری سکول شگر کے رنسپل اور اساتذہ کو مبارکباد دی اور اسے شگر کیلئے باعث فخر قراردیا۔ اس موقع پر انہوں نے سکول کیلئے ساؤنڈ سسٹم فراہم کرنے اور مستقبل میں سکول کی لیب کی قیام کیلئے اپنے جانب سے تعاؤن کا یقین دلایا۔

About admin

اپنی رائے کا اظہار کریں

آپ کا ای میل ایڈریس شائع نہیں کیا جائے گا.

*

apental calc