وزیر اعلی گلگت بلتستان حافظ حفیظ الرحمن نے سکردو میں سالیڈ ویسٹ منجمنٹ کمپنی کا افتتاح کر دیا۔

سکردو (بیورو رپورٹ) وزیر اعلی گلگت بلتستان حافظ حفیظ الرحمن نے سکردو میں سالیڈ ویسٹ منجمنٹ کمپنی کا افتتاح کر دیا۔ اس موقعے پر افتتاحی تقریب سے خطاب کرتے ہو ئے انھوں نے کہا کہ سالیڈ ویسٹ منجمنٹ شہر کی صفائی ستھرائی میں اہم کردار ادا کرے گا۔ اس مقصد کے لیے121 ملازمیں میرٹ کی بنیاد پر تقرر کئے گئے ہیں ۔ 35 ہائڈالک گاڑیاں اور 7 ٹریکٹرز ادارے کو فراہم کئے ہیں جبکہ ادارے کے ملازمین انشورنس، میڈیکل اور پنشن کی سہولت بھی مہیا ہو گی۔وزیراعلی نے کہا کہ سکردو کو میونسپل کارپوریشن بنانے کا بھی نوٹیفیکیشن جاری کردیا گیا ہے ،سکردو میں میونسپل کارپوریشن اسمبلی اور دفترکی نئی عمارت بھی تعمیر کی جائے گی۔ انھوں نے کہا ہماری حکومت زبانی دعوں پر یقین رکھتی بلکہ عملی طور پر عوام کی خدمت پر یقین رکھتے ہیں، انھوں نے کہا اس وقت صرف سکردو حلقہ ایک میں تین ارب سے زائد کے منصوبے چل رہے ہیں جبکہ گلگت سکردو روڈ پر بھی کام کا آغاز ہو گیا ہے۔اس موقع پر انھوں نے ویسٹ مینجمنٹ کی گاڑی سٹارٹ کر کے باقاعدہ افتتاح کیا۔تقریب سے حاجی اکبر تابان، اور دیگر نے بھی خطاب کیا۔

About admin

اپنی رائے کا اظہار کریں

آپ کا ای میل ایڈریس شائع نہیں کیا جائے گا.

*

apental calc