سی پیک کے آغاز کے بعدایک اور بڑا اقدام،اربوں ڈالرز کے معاہدے،گلگت بلتستان کا ذکر تک موجود نہیں۔

اسلام آباد (نیوز ڈیسک) وزارت منصوبہ بندی ترقی و اصلاحات نے سی پیک میں مزید منصوبے شامل کرنے کی وزیر اعظم کو سمری ارسال کردی ہے۔وزیراعظم کی منظوری کے بعد چائنہ پاکستان اقتصادی راہداری میں شامل کیے جانے والے منصوبوں کی حتمی منظوری چائنہ اور پاکستان کی مشترکہ تعاون کمیٹی(جے سی سی) سے لی جائے گی۔ذرائع کے مطابق سی پیک پر چائنہ اور پاکستان کی ساتویں جے سی سی کے اجلاس رواں ماہ 21 اور 22 نومبر کو ہوں گے۔ اس اجلاس میں سی پیک کے لانگ ٹرم پلان کی منظوری دی جائے گی، جس کے تحت سی پیک میں متعدد نئے منصوبے شامل کیے جانے ہیں چائنہ پاکستان اقتصادی راہداری کی ساتویں جے سی سی میں چند نئے منصوبوں کی شمولیت کے بعد 46ارب ڈالر لاگت کے اس منصوبے کی لاگت 55ارب ڈالر تک پہنچنے کی توقع کی جارہی ہے۔

یاد رہے متنازعہ حیثیت کی وجہ سے گلگت بلتستان کو ایک بار پھر مکمل طور پر نظرانداز کیا جارہا ہے لیکن حکومت گلگت بلتستان کی جانب سے لوکل سطح پر جاری منصوبوں کو بھی سی پیک منصوبہ نام دیکر عوام کو بیووقف بنایا جارہا ہے

About admin

اپنی رائے کا اظہار کریں

آپ کا ای میل ایڈریس شائع نہیں کیا جائے گا.

*

apental calc