گلگت بلتستان تمام اضلاع میں آج تیسرے روز بھی کامیاب شٹرڈاون اور پہہ جام ہڑتال جاری،انجمن تاجران سکردو نے ممبران جی کونسل سے استعفٰی کا مطالبہ کردیا۔

سکردو( نمائندہ خصوصی) گلگت بلتستان بھر میں غیرقانونی ٹیکسز کے خلاف کامیاب شٹرڈاون آج تیسرے روز بھی جاری ہیں، انجمن تاجران سکردو نے جی بی کونسل کے سنئیر ممبران خاص طور پر برزگ عالم دین ممبر جی بھی کونسل سید عباس موسوی سے مستعفی ہونے کا مطالبہ کردیا۔ صدر انجمن تاجران کا کہنا تھا کہ گلگت بلتستان کونسل اگر عوامی مفادات کی تحفظ نہیں کرسکتے وفاق میں اراکین کونسل کی شنوائی نہیں تو پہلی فرصت میں استعفی دیکر عوام میں آجائیں عوام آپکے ساتھ کھڑے ہیں۔ صدر انجمن تاجران کا مزید کہنا تھا کہ کونسل کے دیگر اراکین کو عوام سے ذیادہ مراعات عزیز ہیں ہمیں اس بات کا علم ہے لیکن سید عباس موسوی بزرگ عالم ہے لہذا وہ بھی اگر عوامی مفادات کی قتل عوام ہوتے دیکھ کر بھی کچھ نہیں کرسکتے تواس عہدے کا کوئی فائدہ نہیں۔ اُنہوں نے سرکاری ملازمین سے بھی مطالبہ کیا ہے تمام سرکاری ملازمین قلم چھوڑ مہم چلائیں کیونکہ یہ معاملہ اگلی نسل کی بقاء کا مسلہ ہے۔

About admin

اپنی رائے کا اظہار کریں

آپ کا ای میل ایڈریس شائع نہیں کیا جائے گا.

*

apental calc