سینیٹ کی فنکشنل کمیٹی برائے انسانی حقوق کا اجلاس، گلگت بلتستان میں 5لاپتہ افراد کے مقدمات درج۔

اسلام آباد ( نیوز ڈیسک ) سینیٹ کی فنکشنل کمیٹی برائے انسانی حقوق کا اجلاس چیئرپرسن نسرین جلیل کے زیر صدارت پارلیمنٹ ہاوس میں منعقد ہوا جس میں سینیٹر فرحت اللہ بابر، نثار محمد،محسن لگاری ، مفتی عبدالستار، سحر کامران ، کے علاوہ لاپتہ افراد کمیشن کے سربراہ جسٹس(ر) جاوید اقبال نے شرکت کی ۔ اجلاس میں جسٹس (ر) جاوید اقبال نے لاپتہ افراد کے حوالے سے کمیٹی کو بریفنگ دیدی جس کے مطابق ملک بھر میں لاپتہ افراد کے کل 4329مقدمات درج ہیں جن میں سے 29سو مقدمات نمٹائے گئے ہیں اجلاس میں بتایا گیا کہ لاپتہ افراد کے مقدمات سب سے زیادہ خیبرپختونخواہ میں 793،پنجاب کے 247،سندھ اور بلوچستان کے 115، اسلام آباد کے 44،فاٹا کے 52، آزاد کشمیر میں 15جبکہ گلگت بلتستان میں سب سے کم 5لاپتہ افراد کے مقدمات درج کئے گئے ہیں اجلاس میں بتایا گیا کہ لاپتہ افراد کا معاملہ ایک فرد کا نہیں بلکہ پورے ملک کا مسئلہ ہے ۔جن میں زر ، زمین ، زن سمیت اغواءبرائے تاوان جیسے اسباب ہوسکتے ہیں اجلاس میں بہتر قانون سازی کے لئے حساس اداروں کے زمہ داران کو بھی شریک کرنے کی تجویز دی گئی ۔

About admin

اپنی رائے کا اظہار کریں

آپ کا ای میل ایڈریس شائع نہیں کیا جائے گا.

*

apental calc