تازہ ترین

کرتارپور کوریڈور مذاکرات کی کوریج کیلئے بھارت کا پاکستانی صحافیوں ویزہ دینے سے انکار۔

لاہور(ویب ڈیسک/ٹی این این) بھارت نے ہٹ دھرمی کا مظاہرہ کرتے ہوئے کرتارپور راہداری منصوبے پر مذاکرات کی کوریج کے لیے پاکستانی صحافیوں کو ویزے جاری نہیں کیے گئے۔میڈیا رپورٹس میں بتایا گیا ہے کہ ترجمان دفتر خارجہ ڈاکٹر محمد فیصل نے اپنے ٹویٹر پیغام میں کہا کہ پاکستان اور بھارت کے درمیان کرتارپور راہداری پر کل مذاکرات ہونے جا رہے ہیں جس کے لیے بھارت نے پاکستانی صحافیوں کو ویزے جاری نہیں کیے جس پر افسوس ہے۔
ترجمان نے کہا کہ اُمید ہے کے کل کرتارپور راہداری پر مذاکرات دونوں ممالک کے لیے اچھی تبدیلی لائیں گے۔ترجمان دفتر خارجہ نے مزید کہا ہے کہ کرتارپور راہداری کی افتتاحی تقریب میں 30 سے زائد بھارتی صحافیوں نے شرکت کی تھی ۔جب کہ بھارتیوں کے لیے وزیر خارجہ نے عشائیہ کا اہتمام بھی کیا تھا اور صحافیوں نے وزیراعظم عمران خان سے ملاقات بھی کی تھی۔
وزیراعظم عمران خان کی بھارتی صحافیوں کے ساتھ ملاقات ہوئی جس کے بعد بھارتی صحافیوں نے ٹوئیر پر اس ملاقات کا اظہار بھی کیا۔بھارتی صحافی بھرکا دت کا کہنا ہے کہ وزیراعظم پاکستان نے کہا کہ جب میں حکومت میں آیا تو بھارت کی طرف دوستی کا ہاتھ بڑھایا تھا لیکن بھارت نے بہت بُرا جواب دیا۔عمران خان نے کہا کہ ہم سمجھ سکتے ہیں کہ بھارت میں الیکشن کا سال ہے ہم انتظار کریں گے۔

About TNN-GB

اپنی رائے کا اظہار کریں

آپ کا ای میل ایڈریس شائع نہیں کیا جائے گا.

*