گلگت بلتستا ن کونسل کے بجٹ اجلاس برائے مالیاتی سال 2017/18 پیش،ممبران جی بی کونسل کو 50 ملین روپے فی نفر دئے جائیں گے جو پچھلے بجٹ سے 32 ملین روپے ذیادہ ہے۔

اسلام آباد( تحریر نیوز) جی بی کونسل کے بجٹ اجلاس برائے مالیاتی سال 2017/18 کی پہلی نشست وائس چیئر مین کو نسل گورنر گلگت بلتستان میر غضنفرعلی خان کی صدارت میں اسلام آباد میں منعقد ہوا۔اجلاس میں وفاقی وزیر برائے اُمور کشمیر و گلگت بلتستان، وزیر اعلیٰ ،کونسل ممبران کے علاوہ وفاقی سیکرٹری اُمور کشمیر پیر بخش جمالی ،جوائنٹ سیکرٹری جی بی کونسل آفتاب درانی دیگر اعلیٰ افسران نے شرکت کی۔ اس موقع پر وفاقی وزیر اُمور کشمیر وگلگت بلتستان نے 2199.067 ملین روپے سے زائد کا جی بی کونسل کابجٹ برائے مالیاتی سال 2017/18 اجلاس میں پیش کیا ۔بجٹ میں کل آمدن کا تخمینہ تقریباً 2398.02 ملین روپے رکھا گیا ہے جس میں سے 2040.00 ملین روپے سے زائد رقم ٹیکس محصولات کی مد میں حاصل کی جائے گی ۔پیش کردہ بجٹ میں اخراجات کا کل تخمینہ 2199.067 ملین ہے جس میں سے 1474 ملین روپے سے زائد ترقیاتی اخراجات ہیں۔ ۔غیر ترقیاتی اخراجات کے لیے 725.051 ملین کی رقم مختص کی گئی ہے ترقیاتی اخراجات سے 674.016 ملین روپے سے زائد کی رقم گلگت بلتستان کونسل ممبران کے ترقیاتی پرواگرام کے لیے بھی رکھی گئی ہے۔جس کے تحت ہر ممبر کو 50 ملین روپے دیے جائیں گے جو پچھلے بجٹ سے 32 ملین روپے اضافہ ہے۔

About admin

اپنی رائے کا اظہار کریں

آپ کا ای میل ایڈریس شائع نہیں کیا جائے گا.

*

apental calc