کشوملنگ روڑ کی تعمیر کا کام اگر اسی ہفتے شروع نہیں کرایا گیا تو ہم کے کے ایچ روڑ پر نکل کر احتجاج کریں گے۔ قدیر شاہ،محمد حسن و دیگر عمائدین چھلت پائین ۔

نگر ( اقبال راجوا) عمائدین چھلت پائین قدیر شاہ ،محمد حسن اور دیگر نے کہا ہے کہ کشوملنگ روڑ کی تعمیر کا کام اگر اسی ہفتے شروع نہیں کرایا گیا تو ہم کے کے ایچ روڑ پر نکل کر احتجاج کریں گے ۔ انہوں نے مذید بتایا کہ کشو ملنگ لنک روڑ پر کام کرنے والا ٹھیکداس روڑ کو پیدل چلنے کے لائق بھی نہ بنائے تو ہمارا کروڑوں کا نقصان ہوگا ۔ کیوں یہ ہماری زمینداری اور زرعی اجناس کو موسم سرما کے لئے محفوظ کرنے کے دن ہیں ۔ جبکہ کشوملنگ لنک روڑ پر کام کرنے والے ٹھیکدار نے ہماری پیدل پگڈنڈی کو بھی بلاسٹنگ کر کے تباہ کر دیاہے ۔ جس باعث ہماری مال مویشی آر پار ہونا تو کجا انسان بھی پیدل کراس نہیں کر سکتا ہے۔ محکمہء تعمیرات عامہ ایک ہفتے کے اندر اس بات کو یقینی بنائے کہ بلاسٹنگ ملبے کو پگڈنڈی سے ہٹوادے تاکہ ہم اپنی مال مویشیوں کو کشوملنگ لے جا اور لا سکیں اور کشوملنگ سے تمام قسم کا پھل فروٹ سمیت گھاس پوس اور چارہ بھی با آسانی لاد سکیں ۔ اگر ایسا نہیں کرا یا گیا تو ہمارا کروڑوں کا نقصان ہو رہا ہے کیوں پھل فروٹ سمیت ہماری مال مویشی کے لئے موسم سرما کا گھاس پوس گل سڑ کر ختم ہو جائے گا۔ قابل زکر بات یہ ہے کہ چھلت پائین ،چھلت بالا، اکبر آباد اور رابٹ کے سینکڑوں لوگوں کی موضع کشو ملنگ میں ہزاروں کنال اراضی ہے۔

About admin

اپنی رائے کا اظہار کریں

آپ کا ای میل ایڈریس شائع نہیں کیا جائے گا.

*

apental calc