تازہ ترین

خالصہ سرکار کے نام پر عوامی املاک پر قبضے کا معاملہ، جماعت اہلحدیث شگر نے اہم اعلان کردیا۔

شگر(پ ر)اتحاد علماء الحدیث شگر کے صدر عمران حسین نے کہا کہ گلگت بلتستان میں کوئی خالصہ سرکار نہیں یہاں کی تمام زمینوں کے مالک گلگت بلتستان کے عوام ہیں حکومت عوامی حقوق چھینے کی کوشش نہ کریں میڈیا سے گفتگو کرتے ہوئے انہوں نے کہا کہ خالصہ سرکار کے نام پر حکومت بنجر زمینوں پر قبضہ کرنا چاہتی ہے اس موقع پر عوامی ایکشن کمیٹی کی جانب سے اٹھائے گئے اقدامات کو ہم قدر کی نگاہ سے دیکھتے ہیںاور ایکشن کمیٹی کے رہنما آغا علی رضوی کی مکمل حمایت کرتے ہیںاور آغاعلی رضوی کو جہاں کہیں مدد کی ضرورت ہو اتحاد علمائے الحدیث حاضر ہے انہوں نے کہا کہ گلگت بلتستان میں کہیں ایک انچ بھی خالصہ سرکار نہیں ہے لیکن حکومت خالصہ سرکار کے نام پر عوامی زمینوں کر قبضہ کرنا چاہتی ہے تاہم عوامی طاقت سے ان کے ان مذموم عزائم کامیاب ہونے نہیں دیں گے انہوں نے کہا کہ حکومت گلگت بلتستان کو آئینی حقوق دینے میں مخلص نہیں اور ہر فورم پر اس خطے کو متنازعہ قرار دیکر حقوق سے محروم رکھا ہوا ہے لیکن زمینوں پر قبضے کے لئے عوامی ملکیتی زمینوں کو خالصہ سرکار قرار دیکر ہتھیانا چاہتی ہے مگر عوامی طاقت کے سامنے حکومت کھبی بھی کامیاب نہیں ہوں گے انہوں نے کہا کشمیر سمیت دیگر متنازعہ خطوں میں خالصہ سرکار کیوں نہیں ہے اور حکومت قبضہ کیوں نہیں کرتی حکومت جان بوجھ کر گلگت بلتستان کا امن خراب کرنے کی کوشش کررہی ہے لیکن عوامی اتحاد کے ذریعے سے ان کوششوں کو ناکام بنادیں گے

About TNN-GB

اپنی رائے کا اظہار کریں

آپ کا ای میل ایڈریس شائع نہیں کیا جائے گا.

*