تازہ ترین

چلاس شاہراہ قراقرم کے اوپر تجاوزات کے خلاف زبردست کریک ڈاون۔

چلاس(ابوبکر صدیق،قادر حسین) دیامر کی ضلعی انتظامیہ نے چلاس شاہراہ قراقرم کے اوپر غیر قانونی تجاوزات کو گرا دیا۔گزشتہ ہفتے این ایچ اے کی طرف سے تجاوزات کو ہٹانے کیلئے نوٹس جاری کرتے ہوئے ایک ہفتے کا ٹائم دیا گیا تھا ،تاہم نوٹس کے باوجود تجاوزات کو نہ ہٹائے جانے پر دیامر کی ضلعی انتظامیہ نے پولیس اور جی بی لیویز کی مدد سے شاہراہ قراقرم چلاس کے مقام پر تمام غیر قانونی تجاوزات کو مسمار کر دیا گیا ہے ،اسسٹنٹ کمشنر چلاس بلال احمد کی نگرانی میں تجاوزات کے خلاف اپریشن کیا گیا اور تمام ہوٹلوں ،دکانوں اورکھوکھوں کو اُکھاڑ کر پھینک دیا گیا ،اپریشن کے دوران ہوٹلوں اور دکانوں میں موجود سامان بھی ملبے کی زد میں آگئی اور لوگوں کا کافی نقصان بھی ہوا ہے۔اسسٹنٹ کمشنر چلاس بلال احمد نے میڈیا کو بتایا کہ چلاس شہر میں تجاوزات کے خلاف اپریشن کا دائرہ کار بڑھائیں گے اور قانون کی خلاف ورزی کرنے والوں کو عبرت ناک سزا دیں گے ۔

About TNN-GB

اپنی رائے کا اظہار کریں

آپ کا ای میل ایڈریس شائع نہیں کیا جائے گا.

*