تازہ ترین

ڈپٹی اسپیکر قانون ساز اسمبلی جعفراللہ خان کا بلتستان کے خلاف سخت بیان۔

گلگت( تحریر نیوز) وزیر اعظم پاکستان کا دورہ سکردو کی ناکامی کے بعد جہاں بلتستان سے تعلق رکھنے والے اراکین اسمبلی اور کونسل آپس میں دست گریباں ہوئے وہیں ڈپٹی اسپیکر جعفراللہ خان نے بھی بلتستان کے خلاف سخت قسم کا ردعمل پیش کیا ہے۔ جعفراللہ خان فیس بُک پر لوگوں کے ساتھ الجھنے کے حوالے مشہور ہیں ایسا ہی غصہ اُنہوں نے بلتستان کے عوام کا وزیر اعظم کی استقبال کیلئے نہ آنے پر شدید ناراضگی کا اظہار کرتے ہوئے سوشل میڈیا پر بلتستان کے عوام کو بے وفا قرار دیتے ہوئے افسوس کا اظہار کیا ہے۔ اُنہوں نے مزید کہا ہے کہ اگر پہلے سے معلوم ہوتا کہ بلتستان کے عوام نے وزیر اعظم کا استقبال نہیں کرنا ہے تو ہم بلتستان کیلئے ایک انچ روڈ بھی نہیں بنواتے۔

اُن کے اس سوشل پوسٹ کو لیکر بلتستان کے عوام میں شدید غم اور غصہ پایا جاتا ہے لوگوں کا کہنا ہے کہ سکردو روڈ ایک طویل جدوجہد کا نام ہے یہ کوئی نون لیگ کا بلتستان کے عوام پر  احسان نہیں لیکن ڈپٹی اسپیکر نے وزیراعلیٰ اور ترجمان کی طرح بلتستان دشمنی کا کھل کر مظاہرہ کرکے عوام کو سوچنے پر مجبور کیا ہے۔

About admin

اپنی رائے کا اظہار کریں

آپ کا ای میل ایڈریس شائع نہیں کیا جائے گا.

*