تازہ ترین

ضلع کھرمنگ میں بغیر کسی وسائل اور ٹیکنالوجی کے تیار کردہ دیسی ساختہ گاڑی کا افتتاح ۔

کھرمنگ(ٹی این این) ضلع کھرمنگ کے نواحی علاقہ باغچہ سے تعلق رکھنے والے ہونہار نوجوان نے بغیر کسی جدید آلات، ٹیکنالوجی اور حکومتی امداد کے دیسی ساختہ گاڑی تیار کرلی۔ تفصیلات کے مطابق اس گاڑی کی تیاری میں ضرورت کے تمام پارٹس اور باڈی بھی دیسی طور پر خود نے تیار کیا اور گاڑی کی ٹائر کیلئے لوکل سطح پر استعمال ہونے والے لوڈینگ ٹرالی جبکہ لائٹ کیلئے موٹر سائیکل کا لائٹ استعمال کیا۔ ہونہار نوجوان نے نہ صرف اس گاڑی کو بڑی مہارت کے ساتھ دیسی طریقے سے منفرد انداز میں ڈزائن کیا بلکہ گاڑی کے انجن اور الیکٹریکل کے کام بھی خود نے انجام دی۔نواجوان نے دعوی ٰ کیا ہے کہیہ گاڑی ایک لیٹر پیٹرول میں 70 کلومیٹر تک چل سکتا ہے۔اس نوجوان کی فنی صلاحیتوں کی حوصلہ افزائی کیلئے آج ڈپٹی کمشنر کھرمنگ سید شہریار شیرازی نے خصوصی طور پر نوجوان کے گاوں کا دورہ کرکے باقاعدہ طور پر گاڑی کا افتتاح کرلیا۔
عوامی حلقوں کا کہنا ہے کہ گلگت بلتستان میں بنیاد ی سہولیات کی عدم دستیابی کے باوجود ان جیسے باصلاحیت نواجوان کی کمی نہیں لیکن بدقسمتی سے گزشتہ اکہتر سالوں میں گلگت بلتستان میں حکومت ایک بھی صنعت نہیں لگا سکے یہی وجہ ہے کہ اس طرح صلاحیت والے نوجوان یا تو علاقہ چھوڑ کر ہجرت کرنے پر مجبور ہوتے ہیں یا اُن کی صلاحیتوں حکومتی عدم توجہی کے سبب زنگ لگ جاتی ہے۔ سول سوسائٹی کھرمنگ کے ممبران نے وزیر اعلیٰ گلگت بلتستان سے مطالبہ کیا ہے کہ اس دیسی انجئنیر کے فنی صلاحیتوں کو بروئے کار لانے کیلئے ضلع کھرمنگ میں اس طرح کے صنعتوں کے قیام کو یقینی بنائیں اور نوجوان کو اپنے فن اور صلاحیت کے حوالے سے حکومتی سطح پر اعزاز سے نوازیں۔

  • 50
  •  
  •  
  •  
  •  
    50
    Shares
  •  
    50
    Shares
  • 50
  •  
  •  
  • 0
  •  
  •  
  •  
  •  

About TNN-GB

اپنی رائے کا اظہار کریں

آپ کا ای میل ایڈریس شائع نہیں کیا جائے گا.

*