تازہ ترین

سرکاری سکیم کے تحت رواں سال حج پر جانے والےعازمین کے تعداد کا اعلان ہوگیا۔

اسلام آباد(ویب ڈیسک/ٹی این این)وزارت مذہبی امور نے سرکاری حج سکیم کے تحت رواں سال حج پر جانے والے 1 لاکھ 7 ہزار 526 خوش نصیب عازمین کا اعلان کر دیا۔ رواں برس حج کے لئے جانے والے خوش نصیب عازمین کے ناموں کی قرعہ اندازی کا افتتاح وزیر مذہبی امور پیر نور الحق قادری کیا۔ اس سلسلے میں مکمل طور پر کمپیوٹرائزڈ قرعہ اندازی کرتے ہوئے رواں برس فریضہ حج کے لئے 1 لاکھ 7 ہزار 526 خوش نصیبوں کے ناموں کا اعلان کیا گیا۔ وفاقی وزیر مذہبی امور نے کہا ہے کہ مسلسل تین سال سے ناکام 10 ہزار عازمین بغیر قرعہ اندازی کامیاب قرار دیئے گئے، رواں برس 80 سال سے زائد عمر کے 2 ہزار عازمین کی درخواستیں موصول ہوئیں، اور مجموعی طور پر ایک لاکھ 7 ہزار 526 خوش نصیبوں کے ناموں کا اعلان کیا گیا، جنہیں بذریعہ ایس ایم ایس آگاہ کیا جائے گا۔ انہوں نے کہا کہ حج کیلئے ایک لاکھ 84 ہزار سے زائد کوٹہ پاکستان کو ملا ہے، جس میں سے ساٹھ فیصد حجاج سرکاری اور چالیس فیصد نجی ٹور کمپنیوں کے ذریعے حج کرینگے، سعودی عرب نے کوٹہ 2 لاکھ کرنے کا وعدہ کیا ، حج میں روڈ ٹو مکہ پراجیکٹ سب سے انقلابی قدم ہے جس کے تحت حجاج کی امیگریشن پاکستان کے ایئر پورٹس پر ہی ہوجائے گی۔

  •  
  • 2
  •  
  •  
  •  
  •  
    2
    Shares

About TNN-GB

اپنی رائے کا اظہار کریں

آپ کا ای میل ایڈریس شائع نہیں کیا جائے گا.

*