تازہ ترین

عوامی ایکشن کمیٹی گلگت میں تاریخی جلسہ،تمام اختیارات گلگت بلتستان اسمبلی کو منتقل کرنے کا مطالبہ۔

گلگت (ٹی این این ) عوامی ایکشن کمیٹی گلگت بلتستان میں گلگت بلتستان ایک تاریخی عوامی جلسے کا انعقاد کیا۔ جلسے سے عوامی ایکشن کمیٹی مرکزی قیادت وائس چیئرمین فدا حسین ، جنرل سیکر یٹری پروفیسر سید یعصوب الدین ،امام جمعہ والجماعت موتی مسجد مولانا خلیل قاسمی اور معروف عالم دین شیخ نیئر عباس مصطفوی،جمیعت علما اسلام ضلع گلگت کے امیر منہاج الدین سمیت دیامر یوتھ کے رہنما شبیر قریشی اورمشتاق احمد، راجہ میر نواز، محمد ابراہیم اور دیگر نے کیا۔مقررین نے جو ڈیشل آرڈر 2019کو مسترد کرنے کا اعلان کرتے ہوئے اور فوری طور پر گلگت بلتستان کے متنازعہ حقوق کو بحال کرنے کا مطالبہ کیا، مقررین نے بجلی کی لوڈ شیڈنگ کے خاتمے کے لئے ہینزل اور سکارکوئی پاور پراجیکٹ پہ فوری طور پر کام شروع کرنے کا بھی مطالبہ کیا۔مقررین کا کہنا تھا کہ سپریم کورٹ آف پاکستان کے فیصلے کے بعد آئینی حیثیت کے حوالے سے گلگت بلتستان میں سیاسی طورپر جوابہام تھا ختم ہوچکا ہے لہٰذا وفاق سپریم کورٹ آف پاکستان کے فیصلے کے تناظر میں گلگت بلتستان کو بنیادی حقوق فی الفور فراہم کرے۔ مقررین نے خطاب کرتے ہوئے مطالبہ کیا اہم ریاستی امورکے علاوہ دیگر تمام اندرونی اختیارات گلگت بلتستان اسمبلی کو منتقل کئے جائیں ۔آزادعدلیہ کے قیام کیلئے آزاد کشمیر میں موجود سپریم کورٹ کی طرز پر باوقار عدلیہ کا سیٹ اپ دیا جائے اور تمام حکومتی شعبہ جات میں وفاق کی جانب سے آنے والے بیورو کریٹس کا ناجائز کوٹہ ختم کرتے ہوئے گلگت بلتستان کے بے روزگار نوجوانوں کو روزگار کا مواقع فراہم کئے جائیں ۔فورتھ شیڈول اور انسداد دہشت گردی کے تحت زبان بندی کرنے کی ظالمانہ روش کو ترک کرتے ہوئے عوامی ایکشن کمیٹی اور دیگر سیاسی و قومی جماعتوں کے ذمہ داران پر لگائے گئے الزامات کو ختم کیا جائے گلگت بلتستان کی متنازعہ حیثیت کو فوری طورپر بحال کرتے ہوئے اسے قانونی تحفظ دیاجائے اور متنازعہ خطوں میں جاری تمام اشیاء پر سبسڈیز کو گلگت بلتستان میں بھی فوری بحال کیا جائے۔

  •  
  • 84
  •  
  •  
  •  
  •  
    84
    Shares

About TNN-GB

اپنی رائے کا اظہار کریں

آپ کا ای میل ایڈریس شائع نہیں کیا جائے گا.

*