تازہ ترین

نیب کا پی ٹی آئی کے اہم رہنماوں کے گرد گھیرا تنگ،مزید گرفتاریوں کا امکان۔

پشاور(مانیٹرنگ ڈیسک/ٹی این این) نیب کا پی ٹی آئی رہنماؤں کے گرد گھیرا تنگ۔پرویز خٹک،مشتاق غنی کے خلاف تحقیقات تفصیلات کے مطابق نیب نے وزیر دفاع پرویز خٹک اور اسپیکر صوبائی اسمبلی مشتاق غنی سمیت دیگر کے خلاف تحقیقات شروع کردی ہیں۔نیب خیبر پختونخوا نے وزیردفاع پرویزخٹک، اسپیکرصوبائی اسمبلی مشتاق غنی، سابق چیف سیکریٹری امجد علی خان کے خلاف انکوائری شروع کردی ہے اورانہیں اگلے ہفتے طلب کیے جانے کا امکان ہے۔نیب ذرائع کے مطابق ہری پورمیں پاک آسٹریلیا انسٹیٹیوٹ کے قیام اور پراجیکٹ ڈائریکٹرکی تعیناتی میں اختیارات کا ناجائزاستعمال کیا گیا۔ سیکرٹری اعلیٰ تعلیم نے نئے ادارے کے قیام اوروفد کوآسٹریلیا لیے جانے کے لیے 30 لاکھ کا فنڈز مانگا۔ سیکریٹری پی اینڈ ڈبلیو اورسیکریٹری فنانس نے بھاری لاگت کے باعث منصوبے کی مخالفت کی اور مخالفت کے باوجود بھی چیف سیکریٹری، مشیرتعلیم اور وزیراعلیٰ نے منصوبے کی منظوری دے دی۔سیکریٹری پی اینڈ ڈبلیو اور سیکریٹری فنانس نے نئے ادارے کے بجائے کسی ادارے کو اپ گریڈ کرنے کی تجویزدی۔ ادارے کے لیے پراجیکٹ ڈائریکٹرکی تعیناتی میں بھی میرٹ کو نظرانداز کیا گیا۔ دوسری جانب وزیراعلیٰ نے رولز کی خلاف وزری کرکے ڈاکٹرنصیر علی خان کو پی ڈی تعینات کیا۔

  •  
  • 8
  •  
  •  
  •  
  •  
    8
    Shares

About TNN-GB

اپنی رائے کا اظہار کریں

آپ کا ای میل ایڈریس شائع نہیں کیا جائے گا.

*