تازہ ترین

وزیراعظم عمران خان آرمی چیف کے ہمراہ ایک روزہ سرکاری دورے پر متحدہ عرب امارات پہنچ گئے۔

ابوظہبی (آن لائن نیوز ڈیسک) وزیراعظم عمران خان ایک روزہ سرکاری دورے پر متحدہ عرب امارات پہنچ گئے، اُن کا استقبال ولی عہد نے کیا۔تفصیلات کے مطابق وزیراعظم عمران خان ایک روزہ دورہ پر متحدہ عرب امارات پہنچے گئے جہاں ان کی ولی عہد شیخ محمد زیب بن سلطان النہیان سے ملاقات ہوئی، وفود کی سطح پر مذاکرات کا آغاز کر دیا۔
وزیراعظم عمران خان نے ابوظہبی کے ولی عہد شیخ محمد بن زید سے ملاقات کی جس میں باہمی دلچسپی کے امور پر گفتگو ہوئی۔ وزیراعظم نے ابو ظہبی کے ولی عہد سے تجارت کے فروغ، دو طرفہ تعلقات میں اضافے، علاقائی اور عالمی امور سمیت دیگر معاملات پر گفتگو کی۔ پاکستان اور یو اے ای میں وفود کی سطح پر ہونے والے مذاکرات کو حتمی شکل دی گئی۔ امکان ہے کہ پاکستان کو یو اے ای سے سعودی عرب سے بھی بڑا امدادی پیکیج ملے گا۔
اس اہم ترین دورے میں آرمی چیف قمر جاوید باجوہ، ڈی جی آئی ایس آئی لیفٹیننٹ جنرل عاصم منیر بھی موجود ہیں۔ وزیر خارجہ شاہ محمود قریشی، وزیر خزانہ اسد عمر کے علاوہ وزیر توانائی، وزیر پٹرولیم اور مشیر برائے تجارت بھی وزیر اعظم کے ہمراہ ہیں۔عمران خان کا ائیرپورٹ پر عرب امارات کے وزیر مملکت جابر بن سلطان نے پرتپاک استقبال کیا۔ جبکہ صدارتی محل پہنچنے پر انھیں گارڈ آف آنر بھی پیش کیا گیا۔ وزیر اعظم عمران خان، ولی عہد ابوظہبی شیخ محمد بن زید کی دعوت پر ابوظہبی پہنچے ہیں۔

  •  
  • 3
  •  
  •  
  •  
  •  
    3
    Shares

About TNN-ISB

اپنی رائے کا اظہار کریں

آپ کا ای میل ایڈریس شائع نہیں کیا جائے گا.

*