تازہ ترین

بیمار معیشت کی بحالی کیلئے معیشت تباہ کرنے والوں کو ذمہ داریاں دی جاری ہے۔ممتاز ماہر معاشیات کا انکشاف

لاہور (ویب ڈیسک) ماہر معاشیات ڈاکٹر لال خان نے کہا ہے کہ ملکی معیشت بیمار ہو چکی ہے جو اسے ٹھیک کرنے آتے ہیں وہ خود اسی معیشت کی پیداوار ہیں۔ نوازشریف اور نون لیگ سرمایہ داروں کی پارٹی تھی۔نجی ٹی وی سے بات کرتے ہوئے انہوں نے کہا کہ تحریک انصاف ملک میں نئے امیر ہونے والے سرمایہ داروں کی پارٹی ہے۔ مسئلہ یہ ہے کہ نظام جس جگہ ٹھیک کرنے کی کوشش کی جا رہی ہے وہاں سے اس کے ٹھیک ہونے کی گنجائش ختم ہوچکی ہے۔ اگر مسائل حل کرنے کیلئے قرضے ہی لیں گے تو وہ تو بہت مہنگے ہیں، آئی ایم ایف کا تو سود ہی بہت زیادہ ہوتا ہے۔ اس سے نکلنے کیلئے حکومت کو بہت مشکل پروگرام دینا پڑے گا جو وہ نہیں دیں گے، خود اپنے پاؤں پر کلہاڑی نہیں ماریں گے۔
انہوں نے مزید کہا کہ حقیقت یہی ہے کہ نظام میں معاشرے یا سماج کو چلانے کی اہلیت ختم ہو چکی ہے۔ جب تک ملک میں انقلابی تبدیلی سے یکسر معیشت میں منافع خوری کا خاتمہ اور انسانی ضروریات پوری نہیں ہونگی اس وقت تک کوئی مسئلہ حل نہیں ہو گا۔ انکا کہنا تھا کہ حکومت کام کر رہی ہے، اگر اسکی نیت صاف ہے اور سوچ سمجھ کر فیصلے لے رہی ہے تو آگے تھوڑا مزید مشکل وقت ضرور آئے گا لیکن مستقبل قریب میں ہم مہنگائی،بے روزگاری، معیشت سمیت تمام مسائل سے نکلنا شروع ہو جائیں گے۔

  •  
  • 2
  •  
  •  
  •  
  •  
    2
    Shares

About TNN-Gilgit

اپنی رائے کا اظہار کریں

آپ کا ای میل ایڈریس شائع نہیں کیا جائے گا.

*